افغانستان

د طالبانو سره په جګړه کې یو امریکايي عسکر وژل شوی بل ټپي دی

نن ټکی اسیا (سه شنبه، ۱۱غويي، ۱۳۹۷ل): په افغانستان کې د میشتو بهرنیو ځواکونو مطبوعاتي دفتر اعلان وکړ چې د افغانستان په ختیځه برخه کې ددوی یو امریکايي عسکر وژل شوی او بل ټپي شوی دی.

د خبرپاڼې سره سم دغه پېښه تېره ورځ دوشنبه د افغانستان په ختیځ کې د عملیاتو پر مهال را منځته شوې، خو د پيښې دقیق ځای نه دی په نښه شوی. او زیاته کړې چې په دغو عملیاتو کې یو شمېر افغان ځواکونو ته هم مرګ ژوبله رسیدلې ده.

د طالبانو ویاند ذبیح الله مجاهد د همدې خبر په تعقیب وویل چې بهرنیو او دولتي ځواکونو ته تېره ورځ د کاپسا ولایت په تګاب ولسوالۍ کې مرګ ژوبله ورسیده.

نوموړي وویل چې د امریکایانو او دولتي ځواکونو سره په جګړه کې دوه امریکايان او درې دولتي عسکر ووژل شول او په ورته وخت کې دوه تنه طالبان هم ووژل شول.

نوموړي د دولتي چارواکو هغه ادعا رد کړه چې ګواکي په دغو عملیاتو کې ۳۰ طالبانو ته مرګ ژوبله اوښتې ده.

باید وویل شي چې تېره ورځ د کندهار ولایت په دامان ولسوالۍ کې هم د بهرنیو ځواکونو پر یوه کاروان چاودنه وشوه چې له امله یې د دولتي چارواکو په وینا لږ تر لږه ۸ تنه بهرني عسکر ټپیان شول چې وروسته د هغوی په ډزو په نیژدې مسجد کې ۱۱ ماشوم زده کوونکي ووژل شول.

که څه هم د کندهار چارواکي وايي چې ماشومان د چاودنې له امله وژل شوي خو نن ټکی اسیا ته تایید شویو سرچینو وویل چې ماشومان د بهرنیانو په ړندو او وارخطا ډزو کې ولګېدل چې له امله یې د یوې کورنۍ پنځه تنه ماشومانو هم ژوند له لاسه ورکړ.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x