افغانستان

میدان وردګ: یوازې ۱۵۵ تنو مېرمنو نوم لیکنه کړې

د ټاکنو کمیسیون د نوم لیکنې د تازه شمېرو په اړه وايي میدان وردګو ولایت کې د مېرمنو له ډلې یوازې ۱۵۵ تنو خپل نومونه لیکلي دي.

تېره دوشنبه د غويي په ۱۰مه د ټاکنو کمیسیون وویل چې ټول ۱۹۲ زره ۹۶۹ تنو مېرمنو نومونه لیکلي دي.

د ټاکنو لپاره نوم لیکنه د تېرې وري میاشتې په ۲۵مه پیل شوې، چې د غويي تر ۱۰مې پورې په میدان ودرګو کې ۱۵۵تنه مېرمنو نوم لیکنه کړې ده.

د ټاکنو کمیسیون مسؤلینو دوه ورځې وړاندې وویل، که وضعیت همداسې روان وي، نو د نوم لیکونکو شمېر به تر درې میلیونه وا نه وړي.

تازه د پوهنې وزارت مسؤلینو ويلي چې له ښوونځيو نه د نوم لیکنې د مرکزونو په توګه د ګټې اخیستو له امله د پوهنې وضعیت باندې بد تاثیر شوی دی.

د ټاکنو کمیسیون کمیشنر سید حفیظ الله هاشمي وايي له ښوونځیو پرته بل انتخاب نه لري او له ښوونځیو د مرکزونو انتقال اسانه کار نه دی.

هغه ویلي، دوی مجبور دي چې امنیت نور هم ټينګ کړي خو مرکزونه نه شي لېږدولی.

د ټاکنو کمیسیون چارواکي وايي ولایتونو کې يې هم د عامه پوهاوي په خاطر تبلیغاتي پاڼې هم له چورلکو غورځولې دي.

په ورته وخت کې ملي شورا، مدني فعالان او د چارو څارونکي وايي چې د نوم لیکنې پروسه شفافه نه ده او یو تن په څو نومونو تذکرې اخیستلی شي.

د ولسوالیو شوراګانو او پارلماني ټاکنې باید په ۱۳۹۴لمریز کال کې ترسره شوې وای چې د بېلابېلو علتونو له امله درې کاله وځنډېدلې، د شنونکو په باور اوسني امنیتي وضعیت او د نوم لیکنې پروسې ته په کتو ښايي د تلې پر ۲۸مه هم ټاکنې ترسره نه شي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x