افغانستان

دولتي مامورین په زور نوم لیکنې ته اړ کېږي

نن ټکی اسیا (پنجشنبه، ۱۳غويي، ۱۳۹۷ل): دولتي مامورین وايي د خپلو ادارو د امرانو له لوري په زور دې ته اړ کېږي، چې د راتلونکو ټاکنو لپاره خپل نومونه ولیکي.

کابل ښار کې د هر وزارت اړوند ادارو مامورین په ټاکلیو ورځو کې نوم لیکنې ته یو ځايي وړل کېږي.

تېره چهارشنبه د روغتیا وزارت تر چتر لاندې د ځينو دولتي روغتونونو نوبت و، چې د ملالۍ زېږنتون په ګډون د ګڼو روغتيايي مرکزونو ټول مامورین یو ځايي نوم لیکنې ته وړل شوي و.

راتلونکې شنبه د برېښنا ریاست نوبت دی، چې دا ورځ د دې ریاست کارکوونکي د نوم لیکنې په خاطر رخصت دي او باید یو ځايي د نوم لیکنې مرکزونو ته یووړل شي.

د برېښنا ریاست د پینځم کنجکشن یو تن مامور د نوم نه ښودو په شرط زموږ همکار ته ويلي، دولت يې په زور د نوم لیکنې تر مرکزونو وړي، که انکار وکړي، معاش يې ګرځول کېږي.

د ده په وینا دولت دوی مجبوروي چې نوم لیکنه وکړي، خو د امنیت ډاډ يې نه شي ورکولی.

دا په داسې حال کې دی چې ولایاتو کې هم د دولتي لوړپوړو چارواکو له لوري د تر لاس لاندې ادارو مامورین مجبورېږي چې خپل نومونه ثبت کړي.

د ټاکنو کمیسیون ويلي، له دې ټولو هڅو سره سره لا هم دا پروسه د ډاډ وړ نه ده.

د ټاکنو کمیسیون یو کمېشنر سید حفیظ الله هاشمي پرون ازادي راډیو ته ويلي، تر اوسه پورې د ټول هېواد په سطحه په ۱۴۱۹ مرکزونو کې تر ۸۰۰ زرو ډېرو کسانو نوم لیکلی، چې د قناعت وړ شمېر نه دی.

ټاکل شوې، راتلونکې ټاکنې د تلې په ۲۸مه ترسره شي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x