افغانستان

بدخشان: حکومت د کوهستان د بېرته نیولو دعوه کوي؛ طالبان يې بې اساسه بولي

نن ټکی اسیا (یکشنبه، ۱۶غويي، ۱۳۹۷ل): د بدخشان کوهستان ولسوالۍ له څو ورځې سختې جګړې وروسته تېره پنجشنبه د طالبانو لاس ته ولوېده، چې تېر ماښام يې دولتي ځواکونو د بیا نیولو دعوه وکړه.

د کورنیو چارو وزارت ویاند نجیب دانش ويلي د ګډ ځواکونو د عملیاتو پایله کې يې د ولسوالۍ ودانۍ بېرته نیولې ده.

طالب ویاند ذبیح الله مجاهد پخپله ټویټر پاڼه د دولتي سرچینو دا دعوه بې اساسه بولي او وايي چې دوی نور هم پرمختګ کړی.

مجاهد لیکلي: «نن ماښام له دښمن څخه ۴ نور کلې هم تصفیه شول او مهم سنګرونه یې پریښودل، په نښته کې ۵ تنه کمانډو عسکر مړه او ژوبل دي نور وتښتېدل.»

کوهستان چې د تېرې اوونۍ په پای کې د سختې جګړې شاهده وه، له مرکز پرته يې نوره پراخه ساحه د طالبانو تر واک لاندې پاتې شوې ده.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
ستاسو نظر مونږ ته دقدر وړ دی، راسره شریک یې کړئx
()
x