افغانستان

لغمان: امنیتي ځواکونو د خلکو کورونه په زور په پوستو بدل کړي

نن ټکی اسیا (چهارشنبه، ۱۹غويي، ۱۳۹۷ل): د لغمان په علیشنګ ولسوالۍ کې ځايي اوسېدونکي وايي چې امنیتي ځواکونو د عملیاتو په پلمه دوی له کورونو شړلي او پخپله يې پکې سنګرونه جوړ کړي دي.

د علیشنګ ولسوالۍ د قعلټک اوسېدونکی محمد الماس مومند وايي چې له دریو اوونیو راهیسې يې په کور کې د ملي اردو ځواکونه او د کاکاګانو په کورونو کې ځانګړو ځواکونو اړولي دي.

هغه چې پخپله فیسبوک پاڼه يې د مات شویو صندوقونو تصویرونه هم خپاره کړي، وايي له دریو اوونیو راهیسې يې له خپلو کورونو شړلي، خو امنیتي ځواکونو يې صندوقونه لوټ کړي دي.laghman-mulki

«دا دريمه اونۍ شروع شوه چې تر اوسه هم په کور کې مو اوردو قرارګاه جوړه کړې په کلا کې مو شپږ هاموی ټانګونه ولاړ دي، هن د حويلي په منځ کې يې هاوان نصب کړی د ترونو په کورونو کې مو قطه خاص اړولي ، د دروازو قلفونه د بکسو قلفونه او د کور نور وسايلو به درته څه نه وايم. خاورې به د ولس اود حکومت ترمنځ واټن ختم شي چانه چاته فرياد وکړو؟»

د لغمان ځايي ادارې په دې تړاو تر اوسه څه نه دي ويلي، خو ملي دفاع وزارت دوه ورځې وړاندې وویل چې په ۱۲ ولایتونو کې د مخالفو وسله والو پر ضد ۱۴ پوځي عملیات پیل کړي دي.

دا په داسې حال کې دی چې د هېواد په ګوټ ګوټ کې د پوځي عملیاتو له امله سلګونه کورنۍ د خپلو کورونو پرېښودو ته اړ شوې دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x