افغانستان

ټاکنو کمیسیون: له دې وروسته ښايي د تذکرې پر کاپي سټېکر ولګول شي

نن ټکی اسیا (پنجشنبه، ۲۰غويي، ۱۳۹۷ل): د ټاکنو کیمسیون مشر وايي دوی ته له شویو شکایتونو وروسته ښايي د اصلي تذکرې پر ځای پر کاپي سټېکر ولګول شي.

ګلاجان عبدالبدیع صیاد له هشت صبح ورځپاڼې سره په خبرو کې ويلي، دوی ته پر اصلي تذکره د سټېکر لګولو له امله ډېر شکایتونه شوي او اوس پر دې بوخت دي چې له تخنیکي ټیم سره پر کاپي تذکرو سټېکر لګولو هوکړې ته ورسېږي.

هغه وايي د دوی یواځينۍ اندېښنه دا ده چې پر کاپي د سټېکر لګولو له امله درغلۍ ته لاره هواره نه شي.

دا په داسې حال کې دی چې په ولایاتو کې د نا امنیو تر څنګ د کم شمېر کسانو د نوم لیکنې یو علت پر اصلي تذکرې سټېکر لګول هم ښوودل شوي دي.

د ټاکنو کمیسیون د تازه معلوماتو له مخې نږدې پنځه ویشتو ورځو کې یو میلیون او څلور سوه زره تنو نومونه ثبت کړي دي.

ټاکل شوې راتلونکې پارلماني او د ولسوالیو د شوراګانو ټاکنې د تلې پر ۲۸مه ترسره شي.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close