افغانستان

لوګر: برکي برک کې څارګره الوتکه نسکوره شوې

نن ټکی اسيا: لوګر ولايت څخه تر لاسه شوي خبرونه وايي، چې برکي برک ولسوالۍ عيدوخېلو سيمه کې د بهرنيو ځواکو يوه څارګره الوتکه نسکوره شوې ده.

د طالبانو وياند ذبيح الله مجاهد رسنيو ته په لېږل شوې خبر پاڼه کې د نوموړې الوتکې د نسکورولو مسؤوليت منلی دی.
ايساف تر اوسه په دې اړه څه نه دي ويلي.

وړمه ورځ واشنګټن پوسټ ورځپاڼې ليکلې و، چې ۲۰۰۱م کال راهيسې د امريکا ۴۱۸ بې پيلوټه الوتکې له منځه تللي دي.

واشنګټن پوسټ د خپلو معلوماتو پر اساس وايي، چې د بې پيلوټه طيارو د پريوتو له نيمې زياتې پېښې افغانستان او عراق کې شوي دي.

ورځپاڼه زياتوي، چې د بې پيلوټه الوتکو د پريوتو دومره شمېر سړی حيران کړي او د امريکا لپاره د ميلونونو ډالرو زيان دی، چې د بې پيلوټه په ټول تاريخ تر ټولو زيات عسکري او مالي زيان ګڼل کيږي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x