دولتي عسکر له بهرني «همکار» سره

ناټو: له افغان ځواکونو د طالبانو د کمزوري کولو هیله لرو

نن ټکی اسیا (پنجشنبه، ۲۷غويي، ۱۳۹۷ل): سره له دې چې د هېواد په ګوټ ګوټ کې د طالبانو له لوري بریدونو شدت موندلی ناټو افغان ځواکونه یو ځل بیا په شا ټپولي دي.

په اروپا کې د ناټو د اعلی قوندانۍ جنرال کورټېس سکاپاروټي پرون په بلجیم کې وویل دوی لا هم افغان ځواکونو ته دا هیله لري، چې طالبان کمزوري کړي.

هغه مني چې په روان کال کې د افغان ځواکونو تلفات خورا ډېر دي، خو په وینا يې «دا به یو کال وي، تمه ده چې د دویم کال په مخه به افغان ځواکونه بريالي وي.»

سکاپاروټي ويلي، افغان عسکر به جګړه رهبري کوي او د طالبانو د جګړو پر وړاندې به خپله وړتیا ثابتوي.

دا په داسې حال کې دی چې له ناټو او امریکا سره د شویو تړونونو له مخې دوی د افغان عسکرو د تمویل، مشورې او روزنې دندې پر غاړه لري، چې ناکامي او بریا يې ټوله دوی ته منسوبېږي.

د شنونکو په باور سکاپاروټي په لوی لاس دا ثابتوي چې افغان عسکر لا هم د دې وړ نه دي چې جګړه وګټي، بلکې دوی يې راتلونکې ته هم یوزاې «هیله» لري.

تازه، په فراه کې د شوې جګړې په پایله کې نږدې ۱۰۰ عسکرو ته مرګ ژوبله اوښتې او ځينې يې ژوندي د طالبانو ګوتو ته ورغلي دي.

د نن ټکی اسیا یوټیوب چېنل
avatar
  ګډون وکړئ  
خبرتیا غوښتل د