نړۍ

امریکا: په یوه مکتب کې د ډزو له امله ۸ تنه وژل شوي

نن ټکی اسیا (جمعه، ۲۸غويي، ۱۳۹۷ل): د امریکا په ټکساس ایالت کې د ډزو په پایله کې ۸ تنه وژل شوي او یو شمېر نور ټپیان شوي دي.

د امریکايي رسنیو په حواله په ډزو کې د پولیسو یو افسر هم ټپي شوی او بریدګر ژوندی نیول شوی دی.

د بریدګر په اړه ویل کیږي چې کیدای شي د مکتب شاګرد وي، هغه د خپل مکتب یوه صنف ته ننوتلی او ډزي یې پيل کړي دي.

د پولیسو یوه مشر رسنیو ته ویلي چې د بریدګر سره یو بل کس هم نیول شوی. او زیاته کړې چې په قربانیانو کې اکثره د مکتب زده کوونکي دي.

د امریکا ولسمشر ټرمپ په خپل ټویټر کې ددغې پيښې په اړه ویلي چې الله دی خیر کړی، سم خبرونه نه دي.
په امریکا کې ورته پيښې ډیري را منځته کیږي. د روان کال ۲۰۱۸ له پیل څخه دا تر اوسه ۲۲مه پېښه ده او په تيرو اتو ورځو کې دریمه پېښه ده چې را منځته کیږي.

د تیري فروري په میاشت کې هم په مکتب کې ډزي وشوې چې له امله یې ۱۷ تنه ووژل شول او یو شمېر نور ټپيان شول.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x