انډیپینډینټ: امریکايانو عراق کې د جګړې ګرمولو لپاره موټر بم چاودنې کولې

نن ټکی اسیا (چهارشنبه، ۲غبرګولي، ۱۳۹۷ل): انډیپینډینټ خپرونې په یوه مقاله کې د عراق په جګړه کې د امریکايي پوځیانو له لوري د چاودنو له رازه بله پرده پورته کړې.

د مقالې لیکوال رابرټ فیسک لیکلي، امریکایانو د دې لپاره چې د عراقي جنګیالیو له حملو ژغورل شوي وي او په دې هېواد کې يې د شیعه او سني په نامه خپلمنځي جګړه ګرمه ساتلې وي په ملکي ځایونو کې موټر بم بریدونه ترسره کول.

د مقالې لیکوال د امنیتي سرچينو له ډلې د یو عسکر له خولې زیاتوي چې دی په داسې روزنځي کې روزل کېده چې ۷۰سلنه يې د موټر چلول زده کول او ۳۰ سلنه ورته د وسلو زده کړه ورکول کېده.

دغه عسکر د نوم نه ښودو په شرط وايي، چې ګڼې پېښې يې په یاد دي، خو لومړی ځل ورته د خپل قومندان له خوا یو موټر ورکړل شو، چې په بغداد کې باید د یو لوی مسجد له څنګ سره ودرېږي او د نورو هدایاتو لپاره تلیفوني اړیکه ټینګه کړي.

هغه وايي کله چې له موټره ښکته شو، ګوري چې د موبایل انتن يې کار نه کوي، له موټره څو متره لرې کېږي، غواړي له خپل قومندان سره اړیکه ونیسي، چې اوس باید څه وکړي، په همدې وخت کې هماغه موټر چې دی پکې تر دې ځایه راغلی و، له مسجد سره لویه چاودنه کوي.

تر دې وړاندې هم په عراق او افغانستان کې د ګڼو هغو مرموزو چاودنو چې ملکي تلفات يې ډېر لرلي، د پړې ګوته بهرنیانو ته نیول شوې، خو اینډیپینډنټ اعتراف کوي چې دا ډول کارونه امریکايي پوځیان کوي.

په افغانستان کې هم په مسجدونو، لوبغالو او ګڼو نورو هغو ځایونو کې لويې چاودنې کېږي، چې ملکي وګړي پکې ډېر له منځه ځي، خو د ډېرو داسې چاودنو مسؤلیت د داعش په نوم وسله واله ډله اخلي، چې د امریکا او افغان حکومت ګډه لوبه بلل کېږي.

تېره ورځ کندهار کې هم چې د نورو ولایتونو په پرتله يې مرکز خوندي بلل کېږي، د ملي امنیت له لوري د مستریانو په سرای کې هغه موټر ته چاودنه ورکړل شوه، چې له چاودېدونکو توکو ډک و او دوی يې د خنثی کولو د هڅې دعوه وکړه، چې ګواکې ناکام شول، خو د سیمې دوکانداران وايي چې دوی ته هیڅ خبرتیا نه وه ورکړل شوې.

1
تبصره وکړئ

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
غ.حضرت
میلمه
غ.حضرت

بلی هو، د محترم عبدالمالک همت صاحب خبره د ” طاغوت” د کړنو یوه برخه ده دا ډول فجیع اعمال.
دا چه نن ورځ په اسلامی ټولنو کی یو د بل په وړاندی د نژادی او فرهنګی او ژبنی او مذهبی کرکی او نفرت بمونه چاودی دا هم د طاغوت د شیطانی نقشو یوه برخه ده بناً هر هغه مؤمن او صالح انسان چه وغواړی پدې انفجارونو کی زخمی او هلاک نه شی نو باید چه ددې مین ګُذاری شوی مځکی یعنی بېځایه تعصباتو څخه وتښتی که نه بد به ژوبل شی.