افغانستان

ولسي جرګه: طالبان پخپل منځ کې هیڅ اختلاف نه لري

نن ټکی اسیا (یکشنبه، ۶غبرګولي، ۱۳۹۷ل): ازادي راډیو د ولسي جرګې د ځینو وکیلانو او یو شمېر کارپوهانو په حواله وايي، طالبان پخپلو منځو کې هیڅ اختلاف نه لري.

یاده سرچينه د ولسي جرګې د غړي عبدالروف انعامي له خولې وايي، طالبان پخپلو ټولو چارو کې عملاً او قولاً یو دي.

انعامي وايي، طالبان پر یوه اډيالوژۍ را ټول شوي، د ده په وینا ټیټ پوړي طالبان د خپلو مشرانو مطلق اطاعت کوي.

تر دې وړاندې همدې سرچينې څو ځلې د طالبانو په لیکو کې د «حقاني شبکې»، «کوټې شورا»، «پېښور شورا» او په ورته نورو نومونو د طالبانو د وېشلي وضعیت راپورونه ورکول.

طالبان چې پورته اصطلاحات اصلاً ناسم بولي پرلپسې ټينګار کوي، چې دوی ټول د یو امر تر اطاعت لاندې د بهرنیانو او د هغوی د همکارانو پر ضد جګړه پر مخ وړي.

په ورته وخت کې تېره اوونۍ د روزګان ځايي پوځي چارواکو وویل، چې په خاص روزګان او چوري ولسوالۍ کې د طالبانو جګړې مخامخ د طالبانو مشر شیخ هبه الله اخندزاده پر مخ وړي.

کله چې هم د طالبانو له لوري بریدونو زور اخیستی او ځينې سیمې د دولت له واکه وباسي، پر وړاندې يې د اختلافاتو او خپل سرۍ اړوند تبلیغات ګړندي کېږي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x