fbpx
لوګر؛ زرغون شهر کې په ملکي کورونو بمباري

ننګرهار: د بهرنیو ځواکونو بمبار ولسي وګړو ته مرګ ژوبله اړولې

نن ټکی اسیا (شنبه، ۱۲غبرګولي، ۱۳۹۷ل): سیمه ایز چارواکي مني چې د دغه ولايت په هسکه مېنه ولسوالۍ کې بهرنيو ځواکونو پر ملکي وګړو هوايي بريدونه کړي چې مرګ ژوبله یې ور اړولې ده.

د ننګرهار د والي وياند عطاءالله خوږياڼی ویلي چې تېره ورځ بهرنيو ځواکونو د هسکې مينې په لوی پاپين سيمه کې د داعش وسله والو د مرکزونو په بمبارولو کې ملکي وګړو ته تلفات اړولي دي.

د خوږياڼي په خبره، بهرنيو ځواکونو د ملکي وګړو کورونه هم په نښه کړي چې په ترڅ کې يې د مېرمنو او ماشومانو په ګډون شپږ تنه ملکي وګړو ته مرګ ژوبله اوښتې ده.

بلخوا د سيمې اوسېدونکو پژواک اژانس ته د ډيری ملکي وګړو د وژل کېدو خبر ورکړی او وايي بهرنيو ځواکونو هغه مهال ملکي وګړي په نښه کړل کله چې هغوی غوښتل په کليو له بمبار وروسته خپلې سيمې پريږدي خو د الوتکو د بمبارۍ هدف وګرځېدل.

که څه هم په دغه بمبارۍ کې تر اوسه د ملکي وګړو کره شمير نه ده څرګنده شوي. خو د ټولنیزو رسنیو له لاري د سیمي خلکو ویلي چې تر 30 پورې ولسي وګړي په شابيو او لوى پاپين سیمه کې شهيدان شوي چې ډير يې د شابيو د بمبار دي، زخميان هم لري او شهيدان اوس هم په سيمو کى تر خاورو لاندې پاتې دي.

په دې نږدې ورځو کې د ملکي وګړو د وژل کېدو دا درېيمه پېښه ده چې د بهرنيو او داخلي ځواکونو له لوري رامنځ ته کېږي.
شاوخوا يوه اوونۍ مخکې په چپرهار ولسوالۍ کې د ځانګړو ځواکونو په عملياتو کې نهه او وړمه ورځ يې په بټي کوټ ولسوالۍ کې د يوې کورنۍ څلور غړي ووژل.

avatar
  ګډون وکړئ  
خبرتیا غوښتل د