علي احمد عثماني: زما د دندې په اړه د اجراییه ریاست اعلاميې ځواب ویلی

نن ټکی اسیا (دوشنبه، ۲۱غبرګولي، ۱۳۹۷ل): د اوبو او برېښنا وزير وايي، د ګلخانې ماڼۍ له لوري د ده له دندې شړل او د سپېدار له لوري بېرته پر چوکۍ کېنولو، پوښتنې را ولاړې کړې خو په وینا يې اجراییه ریاست يې ځواب ویلی دی.

علي احمد عثماني چې د اجراییه رییس عبدالله عبدالله کس بلل کېږي، له څه مودې راهیسې د محمد اشرف غني له لوري له کابل ښار څخه ممنوع الخروج اعلان شوی و، چې دوه ورځې وړاندې يې له دندې د لرې کېدو خبر هم ورکړل شو.

د محمد اشرف غني له لوري په یوه حکم کې هغه له دندې لرې شو، خو عبدالله عبدالله وویل د وزیرانو لرې کول او مقررول باید د ګډ حکومت د قرارداد موافق وشي.

عثماني چې د اشرف غني له لوري له دندې لرې کړل شوی اعلان شو، پرون یکشنبه د ۱۳ میلیونه ډالرو پر ارزښت د دایکندې ولایت لپاره د برېښنا یو قرارد لاسلیک کړ.

اجراییه رییس وايي دی مني، چې د وزیرانو لرې کول د محمد اشرف غني قانوني حق دی، خو دا لرې کول باید د قانوني استدلال پر بنسټ وي؛ نه د شخصي سلیقې له مخې.

عبدالله عبدالله نن د وزیرانو شورا غونډه کې وویل، د اصولو پر اساس د کار خلک باید وستایل شي، نه دا چې سپک او له دندو لرې کړل شي.

دا لومړی ځل نه دی چې د حکومت د شریکانو تر منځ دا ډول ناندرۍ را ولاړېږي، بلکې د ګډ حکومت نږدې ټول تېر کلونه د داسې پرلپسې جنجالونو شاهد و.

یوازينۍ ملي مسئله چې د حکومت دواړه شریکان سره پکې یوه خوله دي، د اختر په ورځو کې داوربند موضوع ده، دغه اوربند سبا پیلېږي چې د اختر تر پنځمې به دوام وکړي.

avatar
1 د تبصرو شمېر
1 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
mha
میلمه
mha

If a government official is not able to work or doesn’t want to work then that person shall resign or get fired.

الحاج استاذ بیانزی
میلمه
الحاج استاذ بیانزی

IF THERE IS GOVT. WE HAVE AN APPOINTED OCCUPIERS ADMISISTRATION APPOINTED BY JOHN KERRY.