fbpx

په ډاکټر عبدالله د هندو د مومن کیسه وشوه

حمدالله مومند

په تېرو پارلماني ټاکنو کې چې کله د ډاکټر عبدالله او ولسمشر غني تر منځ ستونزې را منځ ته شوې، ډاکټر عبدالله ویل، چې دا ټاکنې نه منم. تر دې چې د نه منلو خبره دومره مشهوره شوه، چې د ټولو په خوله همدا خبره وه، چې ګل مرجان یې نه مني.

که څه هم ډاکټر عبدالله په جهادي ډلو کې یو ښه سیاستمدار ګڼل کېده، خو دې وروستیو لانجو او جنجالونو یې په ولس کې خپل جوړ شوی باور او محبوبیت له لاسه ورکړ. د شمالي ټلوالې لنډغرو هم لاس ترې واخیست. که څه هم دی وايي، چې زه پښتون یم، خو کله چې په پېژندپاڼو کې د افغان کلمې خبره راغله او عبدالله انکار وکړ، نو د پښتنو او ډېرو نورو افغانانو په زړه کې ورسره نفرت پیدا شو، ځکه چې دا یوه ملي مسله وه.

د ملي وحدت حکومت چې د یو جوړ جاړي له مخې را منځ ته شو او ډاکټر عبدالله په کې اجرایه رییس شو، اصلا دې بست قانوني اړخ نه درلود. اساسي قانون ولسمشر ته حق ورکړی دی، چې وزیر، والي او یا بل څوک له دندې څخه ګوښه کړي. دا چې ولسمشر یې ولې لرې کوي، هغه بېله خبره ده.

په دې وروستیو کې ولسمشرغني د اوبو او انرژۍ وزیر علي احمد عثماني له دندې څخه ګوښه کړ؛ خو ډاکټر عبدالله وايي، چې زه یې نه منم. دا د(نه منلو) خبره په ولس باندې اوس ډېر بد تاثیر کوي، ځکه چې هېواد له ښه وضعیت څخه نه تیریږي. دا اختلافات هم په ملي ځواکونو ښه اغېزه نه لري او هم دښمن ته مورال ورکوي.

په دې ملي وحدت حکومت کې ډاکټر عبدالله هم خپل زاړه یاران له لاسه ورکړل او هم یې په پېژندپاڼو کې د افغان کلمې په مسله باندې د افغان ولس ملاتړ له لاسه ورکړ. اوس خبره دا ده، چې په ډاکټر عبدالله باندې هم هغه د هندوانو د مومن کیسه وشوه. وايي چې د هندوانو مومن به نه په دوزخ کې وي او نه په جنت کې وي.

ډاکټر عبدالله هم ولسي ملاتړ له لاسه ورکړ او هم د زړو جمعیتي ملګرو له زړه څخه ولوېد. که څه هم زړو جمعیتي ملګرو یې د ډاکټر عبدالله سیاست ته ګټه نه شوه رسولی، ځکه چې هغه بدنامې څېرې وې؛ خو ډاکټر عبدالله ته په کار وو، چې کله پدرام د خراسان نوم اخیستی وئ او له افغانیت څخه یې انکار کړی وئ، لومړی باید همده د پدرام په وړاندې غبرګون ښودلی وئ؛ ځکه چې دې کړنې کولای شوئ، چې ډاکټر عبدالله ته ولسي باور ورکړي.

مداپه درنښت!

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
اقبال
میلمه
اقبال

مهمند صاحب ، زه ستاسی نظریاتو ته درناوی لرم مګر توافق ورسره نه لرم او هغه دا چه : لمړی : تاسی لیکلی چه د هندوانو مومن به نه جنت او نه دوزخ کی وی، دا جمله اسلامی صبغه نه لری یعنی هندوانو کی لمړی مومن شتون نه لری او که وی نو مومن به ولی جنتی نه وی مومن بودن د جنتو وسیله ده که دا ستاسی خبره هم نه وی دغلطو خبرو په انتقال هم سړی ګناهکاریږی. دوهم: د ع او غ دوه لوی غلامانو تر منځ توپیر چه یو له بله څومره ښه دی دا دی چه… نور لوستل »