د حزب اسلامي خوشي شوي بندیان - کال ۲۰۱۸ جنوري میاشت

طالبان: زمونږ بندیان نه دي خوشي شوي

نن ټکی اسیا (چهارشنبه، ۳۰ غبرګولي ۱۳۹۷ل): د طالبانو د بندیانو کمیسون په یوې خبرپاڼې کې ویلي، په داسي حال کې چې د دوی له لوري د اروبند د عملي کېدو تر څنګ په لسګونو عسکر بندیان په هلمند او نورو ولایتونو کې خوشي شول او دا لړۍ لا روانه ده، د حکومت له لوري هیڅ داسي څوک نه دي خوشي شوي.

دوی د حکومت له لوري د بندیانو د خوشي کولو اعلان ناسم او له فریبه ډک وباله او وې ویل چې خوشي شوي بندیان عام کلیوال دي چې د شک پر بنیاد نیول شوي او یا هم محلي قومندانانو د پیسو لپاره د طالب او یا قومندان په نامه امریکایانو او د دولتي عسکرو ته په لاس ورکړي دي.

په خبرپاڼه کې ویل شوي چې په زرګونو دغه سي بندیان چې د طالبانو سره هیڅ تړاو نه لري د طالب په تور زندان ته اچول شوي او د قاضیانو له لوري باندي لس او شل کاله بندونه را وتلي دي.

باید وویل شي چې ولسمشر اشرف غني د اروبند د تمدید تر څنګ اعلان کړی وو چې د طالبانو ۴۶ بندیان ور خوشي کوي، خو د طالبانو په وینا تر اوسه دغه وعده نه ده عملي شوې او نه داسي شواهد لیدل شوي دي چې په رشتیا دي هم ددوی کسان ور خوشي شوي وي.

د یادونې وړ ده چې د بګرام او پلچرخي په زندانونو کې په زرګونو داسي بندیان هم پراته دي چې د بند مودې يې پوره شوي خو لا هم د اداري پیچلتیاو او نورو ستونزو له امله په زندانونو کې پراته دي.

avatar
  ګډون وکړئ  
خبرتیا غوښتل د