ورزش

افغانستان به راتلونکې څلور کالو کې څومره لوبې له چاسره کوي؟ پوره تفصیل

نن ټکی اسیا (چهارشنبه، ۳۰ غبرګولی، ۱۳۹۷ل): د کرېکټ نړیوالې شورا لخوا د راتلونکې څلورو کلونو لپاره د سیالیو مهالویش اعلان شو چې په کې به افغانستان له ۲۰۱۹م څخه تر ۲۰۲۲م پورې به له سلو زیاتې سیالۍ ترسره کوي.

په دغه موده کې به افغانستان د آیرلینډ، زمبابوې، بنګلدیش، ویسټ انډيز، نیوزېلنډ، هندوستان، پاکستان، هالینډ او استرالیا پر وړاندې به د یو ورځني، شل اوریزو نړیوال جام او آسیا جام پرته ۹۹ سیالۍ ترسره کوي.

د کالونو او میاشتو په حساب سره د افغانستان سیالۍ په لاندې ډول دي:

۲۰۱۸م کال: افغانستان به د آیرلینډ لوبډلې پر وړاندې د روان کال په آګست میاشت کې درې یو ورځنۍ او درې شل اوریزې سیالۍ ترسره کوي، چې ورپسې به د همدغې کال په ستمبر میاشت کې په آسیا جام کې ګډون کوي.

۲۰۱۹م کال: د آیرلینډ پر وړاندې یو ټیسټ، پنځه یو ورځنۍ او درې شل اوریزې سیالۍ، همدا ډول به د بنګلدیش او آیرلینډ پر وړاندې یو-یو، یو ورځنۍ سیالۍ ترسره کوي، له دې وروسته به د کرېکټ نړیوال جام کې ګډون کوي.

د یاد کال په آګست میاشت کې زمبابوې ته سفر لري او هلته به یو ټیسټ، پنځه یو ورځنۍ او درې شل اوریزې سیالۍ ترسره کوي، چې همدا ډول به د بنګلدیش پر وړاندې په اکتوبر میاشت کې یو ټیسټ او دوه شل اوریزې سیالۍ کوي. سربېره پر دې به افغان لوبډله په نومبر میاشت کې د ویسټ انډيز کوربه توب کوي او دوی سره به یو ټیسټ، درې یو ورځنۍ او درې شل اوریزې سیالۍ ترسره کوي.

۲۰۲۰م کال: په یاد کال کې به یو ځل بیا افغان لوبډله د آیرلینډ لوبډلې کوربه توب کوي، او ددوی پر وړاندې به د مارچ میاشت کې یو ټیسټ او درې شل اوریزې سیالۍ ترسره کوي، چې ورپسې به د آګست په میاشت کې یو ځل بیا د آیرلینډ پر وړاندې درې شل اوریزې سیالۍ کوي، او له دې وروسته به د ۲۰۲۰م کال په آسیا جام او د شل اوریزو نړیوال جام کې ګډون کوي، چې د کال په پای او په نومبر میاشت کې به له استرالیا سره یوازینۍ ټیسټ لوبه کوي.

۲۰۲۱م کال: ددغه کال په جنوري میاشت کې به افغان لوبډله د آیرلینډ کوربه توب کوي، یو ټیسټ، درې یو ورځنۍ اودرې شل اوریزې سیالۍ، ورپسې به د زمبابوې کوربه توب کوي، دوه ټیسټ لوبې او درې شل اوریزې سیالۍ ترسره کوي، چې د همدغه کال په مارچ میاشت کې به د هند پر وړاندې درې یو ورځنۍ سیالۍ هم کوي.

همدا ډول د روان کال په جولايي او آګست میاشتو کې به د سرېلنکا پر وړاندې درې یو ورځنۍ او درې شل اوریزې سیالۍ ترسره کوي، چې د ستمبر په میاشت کې به د پاکستان په کوربه توب درې یو ورځنۍ سیالۍ، په اکتوبر میاشت کې د آیرلینډ پر وړاندې درې شل اوریزې، د ۲۰۲۱م شل اوریزو نړیوال جام او بیا به د زمبابوې پر وړاندې یو ټیسټ، درې یو ورځنۍ او دوه شل اوریزې، او د کال په پای کې به د هالینډ لوبډلې پر وړاندې درې یو ورځنۍ او درې شل اوریزې سیالۍ ترسره کوي.

۲۰۲۲م کال: په دې کال کې افغان لوبډله د بنګلدیش پر وړاندې په فروري او مارچ میاشت کې درې یو ورځنۍ، دوه شل اوریزې، د استرالیا پر وړاندې د مارچ میاشتې په پای کې درې یو ورځنۍ، د آیرلینډ پر وړاندې په اګست میاشت کې یو ټیسټ، درې یو ورځنۍ او درې شل اوریزې، د استرالیا پر وړاندې د ستمبر په میاشت کې یوازینی ټيسټ، د ستمبر میاشتې په پای کې د ۲۰۲۲م آسیا جام، او وروستۍ لوبې د ۲۰۲۳م کال په پېل کې د ویسټ انډيز او نیوزېلنډ پر وړاندې ترسره کوي چې درې-درې یو ورځنۍ سیالۍ دي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
محمد عثمان زاهد

دخوست ولایت په شیخ زاید پوهنتون داقتصادپوهنځی محصل محمدعثمان زاهد چی دشیخ زاید پوهنتون له ممتازو محصلینو څخه ده خپل مونوګراف (دافغانستان په ملی اقتصاد کی دبیمی نقش ) ترعنوان لاندی ترتیب او ډیرژر به یی د ملی اقتصاد په دیپارتمنت کی وړاندی کړي

Back to top button
1
0
Would love your thoughts, please comment.x
()
x