افغانستان

پر شریعت غږ راډيو بمبار، د خبریالانو د خوندیتوب کمېټه اندېښمنه کړې

نن ټکی اسیا (شنبه، ۲چنګاښ، ۱۳۹۷ل): د افغان خبریالانو د خوندیتوب کمېټې مسؤلین وايي په غزني کې پر شریعت غږ راډیو بمبار له دوی سره د ځانونو د خوندیتوب اندېښنې پیدا کړې دي.

د غبرګولي میاشتې په ۲۱مه د غزني ځايي چارواکو وویل چې په زنخان ولسوالۍ کې د طالبانو له لوري تازه پیل شوې راډيو يې په نښه کړې او شپږ طالب خبریالان يې وژلي دي.

طالبانو پر یاده راډيو بمبار تایید کړی، خو د خپلو خبریالانو د وژلو خبره يې دروغ وبلله.

پر شریعت غږ راډیو د بمبار په غبرګون کې طالبانو د داسې اقدام د بیا ترسره کېدو په صورت کې ګواښ وکړ، چې که يې رسنۍ بیا په نښه شي د دوی غبرګون به ډېر سخت وي.

د خبریالانو د خوندیتوب کمېټې په خپره کړې پاڼه کې پر حکومت غږ کړی چې د خبریالانو د ساتنې لپاره دې بیدار اوسي.

د سرچينې په وینا حکومت باید د اوولس کاله لاسته راوړنې «د بیان ازادي» دفاع وکړي.

طالبانو د غويي میاشتې په ۱۹مه غزني کې شریعت غږ راډيو پیل کړه، چې د دې ولایت په ګډون يې ګاونډيو ولایتونو کې هم نشرات رڼه اورېدل کېدل.

دغه راډيو چې د اف اما په ۹۹،۲۰ څپو يې خپرونې کولې طالبانو هغه وخت ویلي وو چې ډېر ژر به خپل نشرات بیا پیل کړي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x