افغانستان

نورستان: چارواکي هوايي برید کې د شپږو ملکيانو وژل مني

نن ټکی اسیا (سه شنبه، ۵چنګاښ، ۱۳۹۷ل): د نورستان د وانټ وایګل په کټار ګمبیر کلي کې د بهرنیانو په هوايي برید کې ۱۷ تنو ملکي وګړو ته مرګ ژوبله اوښتې، چې ځايي چارواکي د شپږو تنو ولسي وګړو وژل مني.

د دې ولایت چارواکي وايي د دې ولایت په وایګل ولسوالۍ کې بې پیلوټه الوتکې پر یو کور بمبار وکړ، چې شپږ تنه ولسي وګړي يې ووژل.

اسوشیټیډ پریس د نورستان د والي حافظ عبدالقیوم له خولې وايي چې تېره شپه بهرنیو ځواکونو په وایګل ولسوالۍ په کټارګمبیر کلي کې په بمبار کې شپږ ولسي وګړي ووژل، هغه وايي پنځه طالبان هم پکې وژل شوي دي.

د سیمې اوسېدونکي وايي چې الوتکې مازیګر مهال بمبار وکړ، چې پکې یو تن ولسي وګړي ووژل شو او دوه نور ټبيان شول.

د دوی په خبره د شپې د وژل شوي کس په کور کې د جنازې لپاره پر راټولو شویو کسانو بیا بمبار شو، چې پکې د مېرمنو او ماشومانو په ګډون ۱۰ تنه ووژل شول او اوه تنه نور ټپیان شول.

طالبانو دا یو جنایت بللی او وژل شوي او ټپیان يې ټول ولسي وګړي یاد کړي دي.

په افغانستان کې مېشتو بهرنیانو تر اوسه په دې تړاو څه نه دي ويلي.

یاده دې وي د حکومت له لوري د اوربند لا هم څو ورځې پاتې دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x