ویسا: د حکومت تر لاس لاندې ساحې ته په کتو؛ ټاکنې مشروعیت نه لري

نن ټکی اسیا (یکشنبه، ۱۰ چنګاښ، ۱۳۹۷ل): له کابله خپرېدونکې ورځپاڼې ویسا؛ په تازه سرمقاله کې لیکلي، دا چې تر پنځوس سلنه ډېره خاوره د طالبانو په لاس کې ده، نو د حکومت له لوري ټاکنې اصلاً مشروعیت نه لري.

د مقالې د لیکوال په باور د اختر دریو ورځو اوربند دا وښوده چې طالبان نږدې په ټول افغانستان کې پراخ حضور لري او که حکومت د دوی له حضور سره سره د ټاکنو نیت ولري، هیڅ مشروعیت به ونه لري.

مقاله دعوه کوي چې د ولسمشرۍ تېرې ټاکنې د طالبانو او حکومت تر منځ د یوې معاملې له مخې د طالبانو له لوري ګډوډه نه شوې، خو بیا هم د ځينو تخریبي کړيو له لوري ټول خلک «د جان کيري د پرېکړې قرباني شول.»

سرچينه د ټاکنو په اړه د بهرنیانو او حکومت د طرحې په اړه لیکي: «داسې ښكاري چې په ريښتيا هم حكومت او بهرنيان غواړي چې انتخابات بايد يا د دوى د خوښې پايلې ولري او يا داسې بحراني شي چې حكومت د خپل واك د دوام لپاره نورې نسخې عملي كړي.»

د راتلونکو ټاکنو په تړاو نا امني د یو لوی خنډ په توګه یادېږي، خو د همدې ورځپاڼې د پرون ورځې مقاله بیا پر دې را څرخېده چې د سولې پروسه هم امریکا انحصار کړې ده.

د مقالې د لیکوال په باور امریکا دې ته نه ده تیاره، چې په خواریو او لګښتونو تیاره شوې پوځي اډې مفتې له لاسه ورکړي، ‏ځکه خو د سولې نیت نه لري‎.‎

مقاله کې وړاندې راغلي و، امریکا د سولې نوښت انحصار کړی او افغان حکومت ته يې داسې اجنډا په لاس کې ورکړي چې یوازې ‏تبلیغاتي ګټه ترې واخلي‎. ‎

د ویسا په دې سرمقاله کې چې د «په جنګي تګلارو کې سوله څومره ممنکه ده؟» تر سرلیک لاندې خپره شوې وه، دا هم راغلي چې ‏امریکا غواړي ځينې طالبان له حکومت سره یو ځای کړي او «دوی بیا ترې تبلیغاتي ګټه اوچته کړي.»‎

وړاندې لیکي: «په دې كې د امريكا او د دوى د لاسپوڅي حكومت ګټه دا ده چې حكومت به لږ ساه واخلي او له حزب اسلامي ‏سره د سولې په څېر به له طالبانو سره د سولې مسأله په رسنيو كې وشاربي. خو جګړه به دوام كوي، مرګونه به تر دې هم زيات ‏شي او افغان ولس به د مصيبتونو په كنده كې پروت وي‎.»

avatar
1 د تبصرو شمېر
1 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
عبدالقدیر مهمند
میلمه
عبدالقدیر مهمند

هموطنان گرامی حالا که اکثریت خاک پاک وطن ما بدست آزادی خواهان مقاومت ملی مجاهدین/طالبان مردم مسلمان قریه جات افغانستان است اداره دست نشانده دوسره صلیبی کابل حکومت غیر قانونی نامشروع می باشد و حالا وقت آنست کشور های که حق وتو را در شورای امنیت ملل متحد دارند مانند امریکا، چین، روسیه، فرانسه، انگلستان حکومت اسلامی ملت افغانستان را به رسمیت بشناسند و برای امریکا شکست خورده بهترین راه نجات و جلوگیری از پارچه پارچه شدن شان است!!

سوله ،اوربند
میلمه
سوله ،اوربند

برادر عبدالقدیر مهمند،وظیفه ایمانی،وجدانی خودت است ،که خود را به مقر بین الملل مقیم نیویارک خودرا رسانیده ،و ادعای خود را به بین الملل ظاهر نموده،در غیر از ان برق سفید را رو به روی دفتر بین الملل افراشته و چیز را که در این جا بیان نمودی در انجا هم بیان کن،مایان نمی توانیم ولکن خودت پاسپورت انګلیسی(دجال)داری و می توانی به انجا مسافرت کنی،در جهاد عملی می توانی به افغانستان تشریف اوری.