افغانستان

جوزجان: جنبشیانو د ټاکنو کمیسیون دفتر تړلی

نن ټکی اسیا (پنجشنبه، ۲۱چنګاښ، ۱۳۹۷ل): له فاریاب وروسته د جنبش لاریونوالو په جوزجان کې د ټاکنو مرکزي دفتر تړلی دی.

د جنبش ګوند ویاند بشیر احمد ته ینج مني، چې د دوی پارېدلو پلویانو په دې ولایت کې د ټاکنو دفتر ته قلف اچولی دی.

دغه لاریونوال چې د جنبش د یو ټوپکوال نظام الدین قیصاري د نیول کېدو په غبرګون کې يې اعتراضونه تر لسو ورځو هم اوړي، د حکومت پر ضد شعارونه ورکوي.

دوی پخپلو شعارونو کې د دوستم بېرته راتګ او د قیصاري خلاصون غواړي، خو حکومت يې پر وړاندې تر اوسه کوم ګام نه دی اخیستی.

نظام الدین قیصاري چې په سیمه کې د اربکیانو مشري هم ورله غاړې وه، له نیول کېدو وروسته يې جنرال دوستم، محمد محقق او عطامحمد نور په غبرګو اعلامیو کې حکومت وګواښه.

دغه اعلامیې چې د ارګ له لومړي معاونیته او د «ائتلاف نجات افغانستان» په نوم د ډلې له دفتره خپرې شوې، حکومت ته پکې خبرداری ورکړل شوی و، چې که قیصاري خوشي نه کړي نو شمال کې به ټاکنې فلج کړي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x