نړۍ

د مستونګ برید د تلفاتو شمیر ۱۲۸ ته ورسېد، داعش وایي کار موږ کړی

نن ټکی اسیا (شنبه، ۲۲چنګاښ ۱۳۹۷ل): د بلوچستان ایالت په مستونګ ولسوالۍ کې د پرونۍ چاودنې تلفات نور هم زیات شوي دي او ځایي چارواکي وایي چې دا برید د تلفاتو د ډيرښت له اړخه بې ساری و.

د بلوچستان داخه وزیر عمرجان بنګلزي رسنیو ته ویلي چې په چاودنه کې ۱۲۸ تنه وژل شوي او شاخوا ۱۵۰ تنه نور ټپیان دي. چاودنه هغه وخت رامنځته شوه کله چې د بلوچستان عوامي پارټۍ یو بلوڅ کاندید سراج رئیساني له ټاکنیزې غونډې وروسته د تګ په حال کې وو چې د عامو خلکو ترمنځ درنه چاودنه پرې  وشوه.

داعش ډلې چې ځان ته اسلامي خلافت وایي د دې عاموژنې مسؤلیت منلی دی. خو دایي نه ده روښانه کړې چې په دومره لوی شمیر  سني مسلمانان یې ولې وژلي دي.بلوچستان ایالت د چاودنو او وژنو اوږده سابقه لري. تر دې وړاندې په هزاره لږه کیو بیا بیا خونړي بریدونه ترسره شوي دي. چې تر ټولو ستر یې د ۲۰۱۳ میلادي کال په لومړۍ ورځ د کوټې ښار د علمدار روډ برید و،  چې ۱۰۶ تنه هزاره وګړي یې ووژل.

د داعش ډلې خبري آژانس اعماق ویلي چې دغه برید د دوی د یوه غړي لخوا د واسکټ بم په توسط سرته رسیدلی دی. د بلوچستان د ځایي چارواکو د وینا له مخې د ډیرو ټپیانو حالت نازک دی نوځکه د تلفاتو کچه نوره هم لوړیدلای شي.

ټاګونه

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
بریالی "سعیدی"

پاکستان چی خاماران روزی دابه یی انجام وی

Back to top button
1
0
Would love your thoughts, please comment.x
()
x
Close
Close