افغانستان

د غني او دوستم څلور ورځنۍ خبرې لا هم بې پایلې دي

نن ټکی اسیا (شنبه، ۲۳چنګاښ، ۱۳۹۷ل): د دوستم دفتر وايي چې د حکومت او د حکومت د لومړي مرستیال تر منځ خبرې اترې له څلورو ورځو راهیسې روانې دي، خو لا هم کومه پایله نه لري.

د دې دفتر مشر عنایت الله بابر فرهمند امریکا غږ ته ویلي، نن هیله لري چې یو جوړ جاړي ته ورسېږي او د څلورو ورځو راهیسې خبرې یوه پایله ورکړي.

هغه وايي په خبرو کې د دوستم بېرته راتګ او د نظام الدین قیصاري خوشي کېدل شامل دي.

دا په داسې حال کې دی چې د دوستم پلویانو په جوزجان کې د والي له دفتر وروسته په تخار کې هم د ولایت مقام دروازه را قلف کړې ده.

دې لاریونوالو په هرات، بلخ، جوزجان، بغلان، تخار، فاریاب او سمنګان کې د محمد اشرف غني تصویرونه سوځولي او د حکومت پر ضد شعارونه ورکوي.

د افغان کمانډو ځواکونو له لوري د قیصاري د پلویانو د وهلو ډبولو ویډيو په خواله رسنیو کې پر غبرګونونو سربېره د امرالله صالح او رحمت الله نبیل څرګندونې هم له ځان سره لرلې.

د ملي امنیت پخواني مشر رحمت الله نبیل ويلي، د کمانډو ځواکونو دا حرکات د محمد اشرف غني په امر ترسره کېږي او امرالله صالح بیا دا وېره ښکاره کړي چې دا ډول کړنې به افغان ځواکونه د اشرف غني شخصي ملېشې معرفي کړي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x