شعـــــرونه

ايماني ځواک / فکرمل طالب

یو ملګری په زړۀ پاک درسره واخله
او بل خپل ایماني ځواک درسره واخله

د اسبابو په ډېرښت تکیه ونکړې
د رب نصر او ادراک درسره واخله

د دښمن علاج دې شونی ده طالبه
فقط یو ثقيل سفاک درسره واخله

دشيطان په جال کې ګیر نشې دلبره
د تقوای قېمتي واک درسره واخله

د خدايۍ له دعوه ګرو مه ډارېږه
توکل په الله پاک درسره واخله

د زمري غوندې زړور اوسه جانانه
خو غلیم ته ارتباک درسره واخله

که بری په دښمن غواړې فکرمله
نبوي سنت مِسواک درسره واخله

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x