shaheen and wazeer

طالبانو هم د امریکا سره مخامخ خبرو ته چمتووالی وښود

نن ټکی اسیا (دوشنبه، ۲۵چنګاښ، ۱۳۹۷ل): په قطر کې د طالبانو سیاسي دفتر د امریکا سره مخامخ خبرو ته خپل چمتوالی ښودلی دی او ویلي يې دي چې دوی هر وخت د امریکا سره د مخامخ خبرو غوښتنه کړې او د امریکا له لوري مثبت ځواب ته منتظر وه.

د سیاسي دفتر ویاند سهیل شاهین د رویټرز خبري اژانس سره په مرکه کې ویلي چې دوی د امریکا سره خبرو ته اماده ده تر څو د افغانستان څخه د ځواکونو د ایستلو په اړه ورسره خبره وشي.

نوموړي د امریکا له لوري امادګي یو مثبت پرمختګ بللی دی او هیله یې څرګنده کړې چې د ملګرو ملتونو له لوري د طالبانو پر مذاکراتي ټیم باندي د تور لیست بندیزونه لیري شي.

سهیل شاهین ویلي چې په افغانستان کې د بهرنیو ځواکونو شتون یوه له مهمو بحثونو څخه ده چې باید د امریکا سره باندي مخامخ خبري وشي.

او زیاته کړې يې ده چې دوی به د امریکا اندېښنې هم په پام کې ونیسي.

د یادوني وړ ده چې امریکايي ورځپاڼې نیویارک ټایمز د راپور سره سم ټرمپ خپلو دیپلوماټانو ته امر کړی چې د طالبانو سره مخامخ خبري وکړي، ځکه چې یو کال تر مخه ستراتیژي د ناکامۍ سره مخ شوې ده.

همداراز نن د امریکايي ځواکونو مشر قومندان جنرال نیکولسن رسنیو ته وویل چې امریکا د طالبانو سره خبرو ته اماده ده او تمه لري چې دا به د افغانستان د ۱۷ کلني جګړې د ختمولو پر لور ښه ګام وي.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
عبدالولی(فهیم)
میلمه

بلاخره د افغانستان اسلامی امارت امریکا دیته مجبوره کړه چی چی مذاکراتوته مخ کړی او امریکا خپله ماته اومنی او انشاالله چی بیرته به امریکاپه ټیټو سترګو دولت اسلامی امارت ته سپاری.