افغانستان

طالبانو له نی نه «جدي وضاحت» غوښتی

نن ټکی اسیا (چهارشنبه، ۳زمري، ۱۳۹۷ل): طالبانو په افغانستان کې د خپلواکو رسنیو د ملاتړ ادارې «نی»؛ له مسؤلینو د هغوی د څرګندونو «جدي وضاحت» غوښتی دی.

د طالبانو فرهنګي کمیسیون وروسته له هغه د نی ادارې په نوم وضاحت غوښتنه خپره کړه، چې د دې ادارې مسؤلینو په ځینو ولایتونو کې د طالبانو له لوري د اف ام راډیوګانو د بندیز غوښتنه وکړه.

نی چې د رسنیو د ملاتړ اداره بلل کېږي، د طالبانو رسنۍ له دې امله بندول غواړي چې د دوی په وینا يې د طالب سرتېرو په شمېر کې ډېروالی لري او هغوی ته تبلیغاتي وسیله کېدای شي.

د طالبانو فرهنګي کمیسیون «د نی له ادارې څخه د وضاحت غوښتنه» تر سرلیک لاندې له «نی» څخه غوښتي چې د خپلو څرګندونو وضاحت وکړي.

«د افغانستان د آزادو رسنیو ملاتړ کونکې ادارې (نی) لخوا په خپل رسمي سايټ کې یو خبر خپور شوی چې په کې راغلي دي، (د نی دفتر د مخابراتو له وزارت څخه په تکرار سره غواړي د طالبانو رادیو ته د فعالیت اجازه ورنه کړي)، همدا راز د دغې ادارې مشر مجیب خلوتګر ته انديښنه پيداشوې او ویلي دي چې د شریعت غږ رادیو د جلب او جذب په کار کې مجاهدینو ته ګټه رسوي او باید بنده شي.»

د فرهنګي کمیسیون په دې وضاحت غوښتنه کې په پای په ګواښمن انداز لیکل شوي، چې که نی د خپلو څرګندونو «جدي وضاحت» ونه کړي، نو د وروسته عواقبو مسؤلیت به يې پر خپله غاړه وي.

دوی یادونه کړې چې «پوره اوولس کاله پریمانه رسنۍ د امریکايي اشغالګرو سره په څنګ کې د افغان ولس په مقابل کې سړه جګړه پر مخ وړي، اسلامي ارزښتونه ځپي، فحشاء خپروي» خو په مقبال کې يې «مجاهدینو له زغم نه کار اخستی او همیشه یې د اصلاح توصیه ورته کړې.»

د دې وضاحت غوښتنې په پای کې راغلي: «د نی ادارې لخوا د پورته غیر منطقي او دښمنانه غوښتنې له اعلان څخه وروسته د اسلامي امارت د فرهنګي چارو کمیسیون د نی له دفتر څخه د دې غوښتنې او د هغو د علتونو په اړه په جدي توګه وضاحت غواړي، که چیرې نی د خپل دغه عمل منطقي وضاحت ورنه کړي، د وروسته هر ډول تصامیمو مسئولیت به يې پخپله غاړه وي.»

ټاګونه

ورته لیکنې

ګډون وکړئ
خبرتیا غوښتل د
guest
3 Comments
زړو
نویو ډیرو خوښو شویو
Inline Feedbacks
ټولې تبصرې کتل
غوربندي

دغسی مو پام مضرو گوډاګیانو ته هم واړوی.

عبدالمنان څارن

ګران ورور غوربندي صاحب ښه مو ورته ويلي دي. دوی خپل ټول پام د افغانو عسکرو وژلو ته اړولی دی، د هغو کسانو وژلو ته چي له ډېري بې کارۍ او له وچه مجبوريته، په داسي حال کي چي د خپل دې کار په اړه د اسلام له احکامو هیڅ نه دي خبر او عوام کالانعام باله سي دې کار ته زړونه ښه کړي دي. يا دوی داسي کارونه کوي چي د يوې شپږي لپاره بسته پوستين اور ته واچوي (زياتره داسي پېښيږي په شپږه هيڅ ونه کړي او يا د دوی د دغسي کارونو له امله په سل کي… نور لوستل »

غوربندي

زه ستاسو له فرمودی سره سل په سلو کی موافق یم

Back to top button
3
0
Would love your thoughts, please comment.x
()
x
Close
Close