افغانستان

امریکايي ډيپلوماټان: ټرمپ حوصله بایللې، له افغانستانه عسکر وباسي

نن ټکی اسیا (سه شنبه، ۹زمري، ۱۳۹۷ل): برتانوۍ ورځپاڼه ډیلې مېل، د امریکايي ډيپلوماټانو په حواله لیکي، دوی اندېښنې اخیستي، چې ټرمپ به د افغانستان په اړه حوصله له لاسه ورکړي او عسکر به وباسي، ځکه خو يې له طالبانو سره اړیکي پرلپسې کړې دي.

دغه سرچینه وړاندې کاږي، امریکايي ډيپلوماټانو په قطر کې د طالبانو له سیاسي غړو سره په مخامخ خبرو کې هڅه کړې چې یوه جوړ جاړي ته ورسېږي.

ورځپاڼه کاږي امریکايي ډيپلوماټانو او طالب مشرانو په خبرو کې پر دې هم سره غږېدلي چې د بهرنیانو له وتلو وروسته باید افغانستان د سولې شاهد وي.

څو ورځې وړاندې نیویارک ټایمز راپور ورکړ، چې د امریکا د بهرنیو چارو وزارت سیاسي مرستیالې الیس ویلز له طالب مشرانو سره مخامخ خبرې کړې دي.

ځینو لوېدیځو رسنیو د طالب مشرانو په حواله دا خبرې ګټورې بللې دي او د دوام یادونه يې هم کړې ده.

ډيلې میل هم لیکلي چې امریکا په امریکا پسې په تړلو مسائلو بحث کوي، د افغانستان د برخلیک په اړه به افغان اړخونه پخپله سره خبرې وکړي.

تېره ورځ افغان پوځي شنونکي جنرال عتیق الله امرخېل هم وویل، چې امریکا له افغان حکومته زړه تورې شوې او هڅه کوي ځان ور ټول کړي.

څو ورځې وړاندې ځينو لوېديځو رسنیو دا راپور هم ورکړ، چې د امریکا ولسمشر ډونالډ ټرمپ د امریکا په تاریخ کې د دې اوږدې جګړې له ګټې لاس مینځلې او یوازې د تلفاتو او تاوان کنده ورته ښکاري.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
الحاج استاذ بیانزی

هو زه د انګریزانو د ډیلی میل ورځپانی په حواله د امریکایی ډیپلوماتانو د ترمپ په اړه نسبی تاییدوم چه امریک ګا جنګ بایللی او جنګ بایلونکی خامخا حواص بایلونکی وی مګر له دی غیره جه لاسونه پورته او تسلیم شی بله لیار ورته پاتی نه وی دغه بایلنه او هغه هم د دنیا سوپر پاور د یو ګروپ طالبانو مقابل کی ( نه یی شمیر ، نه یی روزنه، نه یی وسلی او وسیلی ورسره د مقایسی وړ دی ) ماته معجزه ده .او مګر زه د امریکا مشر او د دی جنګ قوماندان ته تسلی ورکوم ، چه… نور لوستل »

Back to top button
1
0
Would love your thoughts, please comment.x
()
x