fbpx

د غزني اوسېدونکي: حکومت د ناکامۍ پټولو له امله مخابراتي شبکې تړلې

نن ټکی اسیا (یکشنبه، ۲۱زمري، ۱۳۹۷ل): په غزني کې د جګړې درېیمه شپه رانږدې کېږي او په دې ښار کې پر څو محدودو حکومتي ودانیو د طالبانو د محاصرې کړۍ نوره هم تنګه شوې ده.

د دې ښار اوسېدونکي د مخابراتي شبکو تړل کېدل د حکومت کار بولي او ټینګار کوي چې د خپلې ناکامۍ د پټولو په خاطر يې تړلې دي.

د خالد ودان په نوم یو تن لیکلي چې په له عام سرک لرې په خامو لارو کې له غزني وتلی، د ده په وینا کور په کور طالب ګرځي او د حکومتي چارواکو دعوې بالکل دروغ دي.

هغه لیکلي: «مخابراتي شبکو ارتباط هم دولت قطع کړی تر څو د دوی له بې کفایتی ملت خبر نشي.»Khalid-wadan-scrin-shot.jpg

که څه هم د جګړې د ښکېلو غاړو په درنو ډزو کې هم ځينې مخابراتي پايې نړېدلې دي، خو دا چې د ټول ولایت په سطحه هیڅ مخابراتي شبکه کار نه کوي، پوره درک يې معلوم نه دی.

تر دې وړاندې د غزني یو بل اوسېدونکي ضیا‌ءالحق انځور هم لیکلي و، چې د غزني د وضعیت په اړه د چارواکو خبرې بېخې ناسمې دي.

هغه لیکلي: «د مورال د تضعیف او مخالیفینو ته تبلیغ نه ده په دروغو حکومت نه کیږي، بزازي، موی مبارک، حیدراباد پل، مسعود چوک، درېیم پلان له طالبانو سره دي نه کمانډو راغلي نه له مرکز څخه کومک راغلی د دفاع او داخله وزارت ویندویان د ټلویزون په پرده ښه ښکاریږي د غزني ملکې روغتون له مړو جسدو او ټپیانو ډک دی.»z-haq-anzor-ghazni.jpg

په غزني کې د جګړې د تازه حال په اړه رسمي سرچینو څه نه دي ویلي، خو ځینو غیر رسمي سرچینو د حکومت له واکه د امنیه قومندانۍ د وتلو خبر ورکړی دی.

د تېرې جمعې شپې د جګړې له پیل راهیسې په غزني کې مخابراتي شبکو کار پرېيښی او د کابل – کندهار لاره د ترافیکو پر مخ تړلې.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
الحاج استاذ بیانزی
میلمه
الحاج استاذ بیانزی

پشتو متل دی وایی [ په زور کلی نه کیږی ) چه په زور کلی نه کیږی یعنی یو ملک په کلی خپله مله کی په زور نه شی منلی یعنی د کلی خلک یی په زور نه شی منلی بیا په لوی هیواد حکومت څرنګه په زور ترسره شی . بل متل دی وایی [ د زوراورو اوبه په مخ نیغه هم ځی ] یعنی د اوبو عادی جریان خو له پورته ښکته خواته وی خو که لکه واټر پمپ ( زور ) په واسطه یی فشار زیات کړی مخ پورته هم ځی . مګر دغه پورته تګ به… نور لوستل »