افغانستان

حمدالله محب، نن رسماً خپله دنده پیل کړه

نن ټکی اسیا (یکشنبه، ۴وږي، ۱۳۹۷ل): په امریکا کې د افغانستان پخوانی سفیر حمدالله محب د حنیف اتمر پر ځای د ملي امنیت شورا سلاکار شو.

محمد اشرف غني نن پخپله نوموړی د دفتر کارکوونکو ته ور وپېژانده او په دنده کې يې بریا ورته وغوښته.

غني ضمناً د حنیف اتمر اړوند یادونه وکړه چې امنیتي سکتور ته يې امر کړی، چې د هغه خوندیتوب دې پر ځای پاتې شي او اوږده يې کړه: «اوس زموږ مقصد دا دی چې د راتلونکې په اړه فکر متمرکز کړو.»

حمدالله محب وویل، په داسې وخت کې دا دنده ورسپارل کېږي، چې د هېواد وضعیت بحراني دی.

محب چې وړاندې تر دې په امریکا د افغانستان سفیر پاتې شوی، شاوخوا ۳۵ کاله عمر لري او په انګلیستان کې يې د ټکنالوژي برخه کې زده کړې کړې دي.

حنیف اتمر له حکومت سره پر ګڼو مهمو مسائلو اختلاف د خپلې استعفا علت په ډاګه کړی دی.

له هغه وروسته د کورنیو چارو وزیر ویس احمدبرمک، د ملي دفاع وزیر طارق شاه بهرامي او د ملي امنیت رییس معصوم ستانکزي هم خپلې استعفاوې وړاندې کړې، چې ډاکټر غني ورسره ونه منلې او د کار د دوام هیله يې ترې وکړه.

ځینو سرچینو په پاکستان د افغان سفیر حضرت عمر زاخېلوال د استعفا یادونه هم کړې، چې محمد اشرف غني ورسره منلې نه ده.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
mha

If the political parties members are out of the country they will not be able to find minimum wage jobs. They want free money from Mr Ghani.

Back to top button
1
0
Would love your thoughts, please comment.x
()
x