fbpx
تصویر؛ له خواله رسنیو

سیاسي ګوندونو خپل «مدني حرکتونه» پیل کړل

نن ټکی اسیا (چهارشنبه، ۷وږي، ۱۳۹۷ل): په کابل کې د ټاکنیزې پروسې پر ضد سیاسي ګوندونو د مدني حرکتونو تر نوم لاندې لاریونونه پیل کړل. ‎

دغه ګوندونه چې د کابل په نږدې پنځو برخو کې يې لاریونونه وکړل، ډېری پکې د جمعیت اسلامي او حزب اسلامي پلویان ‏ترسترګو کېدل. ‎

لاریونوالو چې پر ګڼو نورو سړکونو سربېره هوايي ډګرته څېرمه څلوېښت متره سړک هم تړلی و، د ټاکنو کمیسیون پر ضد ‏شعارونه ورکول. ‎

تېره جمعه سیاسي ګوندونو په یوه ګډه اعلامیه کې د تېرې شنبې ورځ د خپلو حرکتونو د پیل ورځ ټاکلې وه، خو له محمد اشرف ‏غني سره له لیدنې وروسته يې تصمیم وځنډېده. ‎

ارګ ویلي و، چې محمد اشرف غني د سیاسي ګوندونو استازي پر دې قانع کړي چې د دوی په ګډون به د دوی د طرحو او ‏وړاندیزونو د څېړلو لپاره یوه ګډه کمېټه جوړه شي، بیا به يې وروسته د تطبیق اړوند تصمیم نیول کېږي.‎

تازه د سیاسي ګوندونو په اعلامیه کې راغلي، چې د ټاکنو لپاره منظم څارونکي نشته، شفافې نه دي، بایومټریک نه کار نه دی ‏اخیستل شوی او د دوی ګڼ وړاندیزونه او طرحې نادیده نیول شوې دي. ‎

د اعلامیې له مخې دوی د تېر لمریز کال په وروستیو کې په ټاکنیزه پروسه کې شریکو کورنیو او بهرنیو اړخونو ته وړاندیزونه ‏ورکړي، خو چا پرې غوږ نه دی ګرولی.

سیاسي ګوندونه په داسې حال کې دا اقدام کوي، چې دوه ورځې وړاندې محمد اشرف غني د خپل همیشني عادت له مخې په تېز غږ ‏د ټولو ګوندونو د منحلېدو ګواښ هم وکړ. ‎

هغه وړاندې تر دې هم سیاسي ګوندونه په تمسخرامیزه ډول مخاطب کړي و: «د څه شي ګوندونه؟ د چا استازي؟ چا دا حق ‏ورکړی چې استازیتوب وکړي؟»

په ورته وخت کې د ټاکنو کمیسیون ویلي، د تلې اته ویشتمه د ټاکنو لپاره نه بدلېدونکې نېټه ده.‎

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
عبدالولی(فهیم)
میلمه
عبدالولی(فهیم)

الله دی دا سیاسی ګوندونه له خپلو پلویانوسره هلاک او تباه کړی دوی ډیر بیغیرته بی همته او غلام خلک دی دوی له اوله د امریکا غلامان ول او اوس هم د امریکا غلامان دی.
دا دمره بی شرمه خلک دی چی یواریی په لکونو بی ګناه خلک تباه کړل کابل یی کڼواله کړ د خلکو کورونه یی ړنګ کړل اوس بیا غواړی چی قدرت ته ورسیږی او د خلکو وینی وچکی د خدای لعنت دی په هاغه کسانو وی چی د دی بیناموسانو سره یو دی او ورسره د وطن په بربادی کی مرسته کو.