fbpx
حکمتیار د «سولې» تړون د لاسلیک پر مهال

حزب اسلامي وايي د دوی د مشر راتګ بې اغېزې نه دی

نن ټکی اسیا (یکشنبه، ۱۱وږي، ۱۳۹۷ل): حزب اسلامي د ګلبدین حکمتیار د راتګ په اړه د سیګار راپور بې اساسه بللی او ويلي يې دي، د دوی د مشر راتګ بې اغېزه نه دی.

سیګار وړمه ورځ پخپل راپور کې د حکمتیار راتګ د سولې اړوند بې اغېز وباله او ويې ویل چې په دوه کاله کې يې هیڅ اغېز نه دی کړی.

د سرچینې په وینا د امریکايي پوځي چاراکو په ګډون محمد اشرف غني هم دې ته هیله من و، چې که حکمتیار له جګړې لاس واخلي، نو د دوی پر وړاندې ولسي مقاومت به یو څه کمزوری شي، خو ښکاري چې هیلې يې اوبو وړې دي.

کابل کې د حزب اسلامي – حکمتیار؛ له دفتره خپره شوې خبرپاڼه کې راغلي له حکومت سره د حکمتیار یو ځای کېدو له «برکته» د سولې خبرې اوس یو څه پر مخ تللې دي.

هم مهاله د اجراییه ریاست د ویاند مرستیال بیا د سیګار راپور تاییدوي او وايي چې د حکمتیار راتګ کوم اغېز نه دی لرلی.

امید میثم وايي، د حکمتیار له راتګه چې خلکو او حکومت کومې هیلې لرلې، هیڅ نه دي پوره شوې.

د ده په خبره «د راتګ له امله يې موږ د خاصو تغیراتو شاهدان نه یو.»

ګلبدین حکمتیار دوه کاله وړاندې د ۱۳۹۵ل په مېزان کې له حکومت سره د سولې په نوم تړون لاسلیک کړ.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
حاجی دوست محمد دسخیل
میلمه
حاجی دوست محمد دسخیل

دحکمتیار تګ کابل ته حکمتیار ته ګټه کړی چی له شورایی امنیت اوموږ تجارانو سخه په ملیونو دالر راټولوی حکومت ته یی هیڅ کټه نه ده رسیدلی اونه په جنګو کوم اغیز شوی ده حکمتیار سره دفچو خلک شته خو دبار خلک نه لری چی په ده سختی راشی او ده سره دی ودریږی نور نو دحکمتیار دمحکمی وقت را رسیدلی چی حکومت مخکنی جنګو حساب ورسره وکړی او دافغانستان ورانووکی کړی له دوستم نه شروع تر حکمتیاره دګوانتانامو قفس ته واچوی او که داسی ونه شی نړیواله محمکه به درواغجنه وی او دخلکو ستر ګوته ته به خاوری اچوی… نور لوستل »