fbpx

کندهار: ترافیکي پېښه کې 40 تنو ته مرګ ژوبله اوښتي

نن ټکی اسیا (شنبه،۱۷وږی ۱۳۹۷ل): د کندهار ـ هرات پر لویه لاره د میوند ولسوالۍ د حوض مدد په سیمه کې یوه خونړۍ ترافیکي پېښه رامنځ ته شوي چې له امله یې 17 تنه مسافر مړه او 20 نور ټپيان شوي دي.

دغه پېښه نن سهار وختي په یاده سیمه کې د یو باروړونکي مازدا موټر او د احمدشاه ابدالي شرکت د مسافر وړونکې 404 ډوله موټر ترمنځ د ټکر په پایله کې رامنځ ته شوې.

د کندهار چارواکو هم پیښه تأیید کړي خو د تلفاتو د شمېر په اړه یې ناخبري ښودلي، همدارنګه یې له مړو او زخمیانو سره د مرستې په رابطه هم څه نه دي ویلي.

باید وویل شې چې دا لومړی ځل نه دی چې په افغانستان کې خصوصاً د کابل هرات پر لویه لاره دا ډول دردوونکي پیښه رامنځته کیږي، بلکي تر دې وړاندي هم په ځلونو دا ډول ترافیکي پیښو د بې شمېره خلکو ژوند اخیستی. چې لامل یې د موټرچلوونکو نشي کول، ناتجربګي، د خلکو له ژوند سره نه احتیاط ، د سړک خرابي او په ټوله کې د موټر مالکانو او چلوونکو نه تعقیب او د هغوی نه مجازات کول، هغه څه دي چې دا ډول خونړۍ پیښې یې یوه عاده چاره ګرځولي.

avatar
  ګډون وکړئ  
خبرتیا غوښتل د