fbpx

‏«سديس د سعودي علماوو د اعدام د پرېکړو تاييد کوي»‏

نن ټکی اسیا (دوشنبه،۱۹وږی ۱۳۹۷ل):   د ټولنيزو شبکو فعالانو د مکي حرم د امام او خطيب شيخ عبدالرحمن سدیس وينا ته په اشاره ويلي، چې دغه حکومتي عالم د سعودي حکومت له لوري د علماوو پر ضد روانې کړنې او د اعدام پرېکړې تاييد کړي دي.

د ټولنيزو رسنيو فعالانو په مکي حرم کې د شيخ سديس د وينا يوه برخه راخيستې، چې  په کې وايي: «د اندېښنې ځای دا دی، چې زموږ د ملت ځينې بچي په لوی لاس ځانونه د فتنو ځايونو او احمقو لانجو کې ښکېلوي، چې له منځلارۍ او اعتداله لرې دي.»

سديس په خپله خطبه کې وايي، چې دا کار جفا، تفريط او د پخوانيو مشرانو له لارې سرغړونه او بې لاري ده، دوی له ځانه په جوړو شوو شعارونو تېروتي او د دښمن په لاس لوبيږي.

سديس په دغه خطبه کې زياته کړې، چې د دغو خلکو د ترهګرۍ له امله زموږ اسلامي مقدسات د ترهګرۍ ښکار دي او په عين حال کې يې يو ځل بيا د سعودي له چارواکو سره خپل بيعت تازه کړ او د هغوی د کړنو تاييد يې کړی دی.

د ټولنيزو شبکو يوه فعال ابراهيم په خپل ټويټ کې ليکلي، چې دا د جمعې خطبه وه که سياسي وينا، چې د حاکم فضايل او صفات يې بيانول او د پاچا يې هغه صفتونه وکړل، چې اصلا په هغه کې نه شته.

د احسان الفقيه په نوم يوې بلې فعالې ليکلي، چې د علماوو د بندي کولو او محاکمه کولو له لارې سعودي خپل ديني او سټراټيژي اهليت له لاسه ورکړی دی.

احسان الفقيه شيخ سديس مخاطب کړی، چې اوسني چارواکي پر داسې لارې روان دي، چې د سعودي له اصلي بنسټيزې تګلارې سراسر مخالفت دی او «مخکې له دې، چې د حاکم ستاينې وکړې، بايد نصیحت ورته وکړې.»

د عبدالاله په نوم يوه بل فعال په خپل ټويټر کې ليکلي، چې د سديس په خطبه کې له حاکم سره بيعت تازه کول په دې معنی دي، چې د شيخ سلمان عوده، عمري، قرني او نورو علماوو نيول او د هغوی وژلو ته برائت او توجيه ولټوي.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
جميل
میلمه
جميل

دا أسفل سافلين دالله(ج) نه نه بيريگي د خلكو نه بيريگي أو دالله(ج) ايتونه په كمه بيه پلوري
له دوي نه هيس گيله نده پكار چه و يي نه وينو بهتره به وي