fbpx

غزل/ هیواد شپون

هیواد شپون

مات نظر مې ستا د خال په غېږکې پروت دی
که غمی دی د دسمال په غېږکې پروت دی

خوب کې وينم چې اذان دی چا ويشتلی
زخم زخم د بلال په غېږکې پروت دی

ته خو ګوره تنهايي شوه سترګې سترګې
څومره وهم د دېوال په غېږکې پروت دی

چې زخمونه مې د زړه انځوروئ شي
هغه کس زما د خيال په غېږکې پروت دی

څوک دی، شپون دی، خو بس پاڼې پاڼې توی دی
مات منګی دی د کولال په غېږکې پروت دی

avatar
  ګډون وکړئ  
خبرتیا غوښتل د