قطر؛ د طالبانو سیاسي دفتر

طالبانو له امريکا سره په باګرام کې خبرې رد کړې

نن ټکی اسیا (یکشنبه، ۱تله، ۱۳۹۷ل): وروسته له هغه چې سيمه ييزو رسنيو راپورنه ورکړل چې طالبانو په باګرام کې له امريکايانو سره د سولې په تړاو خبرې کړي دي، طالبانو دغه ناسته رد کړه او ويې ويل چې په باګرام کې له امريکايانو سره ناسته نه ده شوې.

تر دې وړاندې په سيمه ييزو رسنيو کې د نامعلومو سرچينو په قول ویل شوي وو چې له باګرام څخه يوه الوتکه د پاکستان د کويټې ښار ته تللې ده او له هغه ځايه يې د طالبانو د کوټې د شورا غړي باګرام ته راوړي دي او دلته يې ورسره خبرې کړي دي.

د طالبانو وياند ذبيح الله مجاهد رسنيو ته په لېږلې خبرپاڼه کې له امريکايانو سره خبرې رد کړي دي او ويلي يې دي چې د رسنيو هغه راپورونه ټول دروغ او له حقيقته لرې دي چې له ګاونډي هيواد پاکستان څخه باګرام ته د طالبانو د تګ او له امريکايانو سره د ناستې خبره په کې شوې وه.

مجاهد وايي چې: موږ دا ډول افواهات په کلکه ردوو، د سیاسي فعالیت لپاره د اسلامي امارت رسمي آدرس (سیاسي دفتر) ټولې نړۍ ته معلوم دی او د امریکایانو په ګډون د نړۍ هیوادونه کولای شي ورسره تماس ونیسي او ورشي.

د اسلامي امارت هیڅ کوم فرد یا پلاوي په بګرام کې له چاسره نه دي لیدلي.

د يادونې وړ ده چې تر دې وړاندې هم د رسنيو له لوري د طالبانو د ورته ناستو خبرونه خپاره شوي و خو طالبانو هغه راپورنه رد کړي وو او هر وخت يې خپل سياسي رسمي ادرس (سیاسي دفتر) د خبرو اترو له پاره ياد کړی دی.

avatar
1 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
الحاج استاذ بیانزی
میلمه
الحاج استاذ بیانزی

مونږ او تاسی ګورو چه دروغ د کمزورو له خوا په دی ویل کیږی چه زور نه لری ددغه دروغو څخه لکه د نالیدلی یا د خلکو د تیرو ویستنی په منظور ناوړه ګټه پورته کوی، که د مادی امکاناتو او پرسونل له مخی طالبان د امریکا او نورو متحدو ګیدړانو سره حتی د مقایسی وړ هم نه دی په کار داوه چه طالبانو د امریکا له زورنی او ځپلو له امله پرله پسی دروغ ویلی مګر برخلاف امریکا په هغومره نظامی او مالی پیاوړتیا هم خپله او هم د غلامانو په خوله تر اخری هغه کچی دروغ وایی چه… نور لوستل »