افغانستان

غزني: اندړو ولسوالۍ کې محاصره عسکر د طالبانو غږونه اوري

نن ټکی اسیا (پنجشنبه،۵تلې، ۱۳۹۷ل): د غزني د اندړو ولسوالۍ محاصره عسکر وايي، طالبان د ولسوالۍ ودانۍ له څو مترۍ نه ورته د تسلیمي غږونه کوي.

ازادي راډیو د دې ولسوالۍ د پولیسو د قومندان جمعه ګل په حواله وايي، چې له څو میاشتو راهیسې پرې طالبانو د محاصرې کړۍ تنګه کړې ده.

د اندړو ولسوالۍ چې د غزني له لویو ولسوالیو یوه بلل کېږي، ټول واک يې د طالبانو لاس کې دی، یوازې د ولسوالۍ ودانۍ کې عسکر محاصره پاتې دي.

تر دې وړاندې د دې ولسوالۍ ولسوال محمد قاسم دېسېوال هم پژواک ته ویلي و، چې هیڅوک يې غږ نه اوري او کېدای شي عسکر طالبانو ته د تسیلمۍ لاسونه پورته کړي.

هغه وویل، د غزني والي ته يې څو ځلې زنګونه وهلي، خو هغه ځواب ورکړی او ګواښلی يې دی، چې بیا ورته مزاحمت ونه کړي.

د غزني د والي ویاند عارف نوري دعوه کوي، چې ولسوالۍ کې دغسې وضعیت نه دی، لکه محاصره عسکر چې وايي، په وینا يې نن يې هم اکمالات ورته کړي دي.

د غزني ګڼې ولسوالۍ د طالبانو لاس کې دي، چې د خوږیاڼو، رشیدانو، زنخان او خواجه عمري ولسوالیو مرکزونه د غزني مرکز ته انتقال شوي دي.

قره باغ، مقر او ګیلان هغه ولسوالۍ دي چې وضعیت يې د اندړو په څېر دی او د حکومتي ځواکونو پښې پکې نښتې دي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x