ورزش

راشد خان د پاکستاني رسنیو تورونو په ځواب کې: افغان وم، افغان یم او افغان به اوسم

نن ټکی اسیا (جمعه، ۶ تلې، ۱۳۹۷ل): د افغانستان ملي لوبډلې نامتو او سوکه توپ اچونکي راشد خان د پاکستاني رسنیو له پلوه له ډیرې مودې راهیسي پورې شوي تورونه په سخته ځواب کړل.

د اسیا جام پېل کېدو نه وروسته کله چې د افغانستان لوبډلې په لومړي پړاو کې د راشد خان په مرسته پرلپسې بریاوې خپلې کړې، او په دویم پړاو کې یې له پاکستان سره هیجاني، زړه بوږنونکې او سخته لوبه ترسره کړه، پاکستاني رسنۍ د افغان لوبغاړو په اړه بې باکي پېل کړه.

لومړی ځینو پاکستاني رسنیو خبرونه خپاره کړل چې د راشد خان کورنۍ، ورونه او ترونه په پاکستان کې ستر کورونه او بنګلې لري، او په پراخه کچه سوداګري هم کوي، وروسته یې یو ځل بیا د نوموړي په اړه خبرونه خپاره کړل چې نوموړی پاکستانی دی او د پاکستان هېواد تابعیت کارت لري.

راشد خان چې وړمه ورځ د اسیا جام څخه هېواد ته راستون شو، د خبریالانو پوښتنو سره مخ شو، نوموړي د پاکستاني رسنیو ټول تورونه بې معنا وبلل او زیاته یې کړه چې په افغانستان کې د ننګرهار ولایت اچین ولسوالی اوسیدونکی دی چې اوسمهال په جلال اباد ښار کې له خپلې کورنۍ سره استوګنه کوي.

راشد خان وویل په پاکستان کې اوسېدل د پاکستاني یا ددغې هېواد تابعیت اخیستلو په معنا نه دي، ډیر افغاني لوبغاړو په پاکستان هېواد کې د مهاجرت ژوند تېر کړی خو اوس بیرته خپل هېواد ته راستون شوي، نوموړي د ځان په اړه وویل چې درې کاله کیږي افغانستان ته راستون شوی، خو اوس یې هم دوه ورونه په پاکستان کې اوسیږي او خپله سوداګري پر مخ وړي.

راشد خان په اسیا جام سیالیو کې تر ټولو غوره توپ اچونکی و چې لس ویکټې يې ترلاسه کړي او همدا ډول یې د بنګلدیش لوبډلې پر وړاندې نیمه سلیزه هم وهلې وه، نوموړي د هند پر وړاندې سیالۍ کې په وروستي اور کې د ۷ منډو دفاع وکړه او لوبه یې مساوي کړه.

د یادونې وړ ده چې پاکستاني رسنیو له دې وړاندې د افغانستان لوبډلې پر نورو لوبغاړو (محمد شهزاد او ګلبدین نائب) هم یاد تورونه پورې کړي وو، خو د وخت په تېریدو لوبغاړو یاد تورونه رد کړل.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
غ.حضرت

د خپلو ګرانو وطنوالو ورزشی شوق او سلیقې ذوق ته په پوره درناوی سره:
خپله د کریکټ کلک سوټی مانا د لندن او د لندن د مستعمرو د رسمی تذکرې پخه کاپی او پخه کافی.
مهمه نده چي ټیم د کوم هیواد دی بلکه مهمه داده ومنو چي کریکټ یو استعماری ورزش دی چه شاته ئې څلور نیم سوه کیلو کُسمادرۍ او شیطنتونه او ناوړه اهداف پراته دی.

Back to top button
1
0
Would love your thoughts, please comment.x
()
x