د نڅا مجلس کې په ګډون مجددي د خلکو له توندو نيوکو سره مخ شوی

نن ټکی اسیا (دوشنبه، ۹تلې، ۱۳۹۷ل): تيره ورځ په کابل کې د چين سفارت د خپل هيواد د جمهوريت د ۶۹ مې کليزې په مناسبت غونډه جوړه کړې وه چې په کابل کې جهادي رهبران هم ورغلي وو.

په دغه مراسمو کې چې د چين په سفارت کې جوړ شوي وو د چينايي نجونو نيمه بربنډې نڅا ته د جهادي رهبرانو په ګډون ډیر افغان چارواکي په ننداره وو.

په ټولنيزو شبکو کې خپاره شوي انځورونه ښيي چې په دغه مجلس کې نڅول شوې نجونې په داسې يو نري شال لباس کې نڅيږي چې فکر کيږي بربنډې دي.

دغو مراسمو کې د پخواني جهادي رهبر صبغت الله مجددي، اجرائيه رئيس لومړي مرستيال انجينر محمد خان او محمد محقق په ګډون ګڼ شمير نور جهادي مشران او د حکومت چارواکي هم ناست دي، چې د دوی دغه کړنه په ټولنيزو شبکو کې له پراخو نيوکو او غبرګونونو سره مخ شوي دي.

په دغو انځورونو کې نجونې په داسې يو حالت کې ښودل کيږي چې د افغانستان په څېر يو هيواد کې په ژوندۍ بڼه دغه ډول نڅاګانې په ټولنه کې بدې او عيب ګڼل کيږي.

خو د ټولنيزو شبکو کاروونکی وايي چې صبغت الله مجددي او نور جهادي مشران سره له دومره جهاد او مسلمانۍ په داسې مجلسونو کې ګډون کول ښيي چې دوی پخوانی جهاد هم د خپل هوس مستۍ او دنيا د ګټې له پاره کړی دی.

د فيسبوک کاروونکو ويلي دي چې هماغه کمونيزم چې پرون ورسره په افغانستان کې جهاد کېده نن همغه کمونيزم سره ورورلي او دوستي کيږي.

همدا راز فيسبوک کاروونکو ويلي دي چې جهادي رهبران د خپلو ګټو له پاره امريکايانو او دنياوالو ته ځان د خواخوږو ښودلو په توګه ډیر داسې څه کوي چې بيخي له اسلام او افغانيت سره په ټکر وي.

څلور کاله وړاندې چې په افغانستان کې له امريکايانو سره په امنيتي تړون بحثونه او جرګې جوړې شوې وې، صبغت الله مجددي يو له هغو جهادي رهبرانو و چې له پخواني ولسمشر حامد کرزي سره يې په تونده لهجه د امنيتي تړون په ننګه بحث وکړ.

صبغت الله مجددي هغه مهال ولسمشر کرزي ته ويلي وو چې که تړون امضاء نه کړئ خفه کيږي او له افغانستان نه به هجرت وکړي.

avatar
2 د تبصرو شمېر
0 د ځوابونو شمېر
0 ار ایس ایس کې ګډونوال - څارونکي
 
ډېر غبرګون شوې تبصره
تر ټولو ګرمه موضوع
  ګډون وکړئ  
نویو زړو ډیرو خوښو شویو
خبرتیا غوښتل د
محمدسرور وکیلي
میلمه
محمدسرور وکیلي

ای وروره مجددي صاحب ناست وو؛خوسترګي ئې پوټي کړي وې؛نوله دې جهته ئې شی نه دی ليدلی.مې غنده.ته پوهېږچي زموږ مجاهدینوته شراب طهورا راځي.که دوی په دغسي محفلوکي ناست هم وي ناست ئې مه بوله.الله دي خیر کي

جميل
میلمه
جميل

نه پوهيژم چي دا عكسو ولي د زينو افغانانو حساسيتونه راپارولي . دوي په دي ندي پوه چي دا ورته ناست خلكو خپل هر سه ليلام كريدي .ددوي حساسيت زما په اند په دي دى ، چي پر دوي خپل دين أو وطن گران دى أو دوى دا نشي زغملاى چي ددوى په ملك كي دي په لويه گيره أو سپينه لنگى كي خلك دداسي فحشاووننداروته كيني سوك چي خپل دين أو وطن ليلام كي هغه غيرت، حيا، ناموس أو عزت نه پيژني، سومره چي وس يي وي دشيطان أو خپل شيطاني نفس تابعيت كوي أو خوند تري اخلي، خو… نور لوستل »