افغانستان

فارياب: د طالبانو په بريد کې لس پوليس وژل شوي

نن ټکی اسیا (دوشنبه، ۱۶تلې، ۱۳۹۷ل): د فارياب ولایتي شورا وايي چې ددې ولايت په پښتون کوټ ولسوالۍ کې د طالبانو په بريد کې لس تنه پوليس وژل شوي دي.

د فارياب د ولایتي شورا ريس طاهر رحماني وايي چې طالبانو تيره شپه د فارياب د پښتون کوټ ولسوالۍ په عرب اکسای سيمه کې د پوليسو په پوسته بريد کړی دی او ۱۰ پوليس يې وژلي دي.

بل لور ته د پښتون کوټ د اربکيانو د يوې پنځوس کسيزې ډلې مشر په امنيتي چارواکو نيوکه کوي او وايي چې د دولت له دومره هوايي او ځمکني ځواک سره بيا هم د دوی مرستې ته سرتيري او وسلې نه راليږل کيږي.

هغه وايي چې د عرب اکسای سيمه د فارياب له مرکز نه شاوخوا اووه کيلو متره لرې پرته ده خو حکومت له دومره وسلو، الوتکو او عسکرو سره سره بيا هم د دوی غم نه کوي.

په دې اړه تر اوسه طالبانو او د فارياب ولايتي چارواکو څه نه دي ويلي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x