افغانستان

هلمند: چادونه کې د ولسي جرګې د نوماند په ګډون ۱۹ تنو ته مرګ ژوبله اوښتې ده

نن ټکی اسیا(سه شنبه، ۱۷ تلې ۱۳۹۷ل): په هلمند ولايت کې د ولسی جرګې د يو نوماند په ټاکنيز دفتر کې چاودنې ۸ تنه وژلي او ۱۱ نور ټپيان کړي دي.

د هلمند د والي ویاند عمر ځواک رسنيو ته وويل چې دغه پيښه نن له غرمې وروسته شاوخوا درې بجې د سولې څلور لارې ته څېرمه د ولسي جرګې د يو نوماند صالح محمد خان اڅکزي په ټاکنيز دفتر کې هغه مهال رامنځته شوه چې دغلته د ټاکنيز کمپاين غونډه روانه وه.

د والي وياند وايي چې په دغه پيښه کې اته تنه ولسي وګړي وژل شوي دي او د نوماند په ګډون ۱۱ تنه نور ټپيان دي.

عمر ځواک وويل دا نه ده معلومه چې چاونه څنګه رامنځته شوې ده خو د پيښې په اړه به نور معلومات وروسته له رسنيو سره شريک شي.

ددغې پيښې مسؤليت تر اوسه چا په غاړه نه دی اخيستی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x