رأي اليوم: امریکا د جنسي پیاوړتیا په پلمه هم؛ افغان جاسوسان موندلي

نن ټکی اسیا (پنجشنبه، ۱۹تلې، ۱۳۹۷ل): رأي اليوم د امریکايۍ ورځپاڼې واشنګټن پوسټ په حواله وايي، چې امریکايانو په افغانستان کې د جاسوسانو په موندلو کې د جنسي پیاوړتیا درمل هم کارولي دي.

سرچینه د یو امریکايي عسکر له خولې لیکي، له امریکايي یرغل سره جوخت د «ویاګرا» له ګولیو ګټه اخیستنه روانه ده او ان قومي مخور يې د امریکایانو ملګرتیا ته هڅولي دي.

واشنګټن پوسټ د امریکايي عسکر په حواله وايي، چې د سې آی اې یو مامور یو ۶۰ کلن قومي مشر ته چې څلور مېرمنې يې درلودې، یو پاکټ ګولۍ ډالۍ کړي، چې بل ځل يې د ګولیو پوښتنه کوله، نو د طالبانو د مرکزونو په اړه يې بشپړ معلومات راوړي و.

سرچينه زیاتوي د افغانانو په ملګري کولو کې د دې ګولیو تر څنګ د کار او کسب سامانونو او ان د کوچنیانو د لوبو سامانونو اغېز کړی دی.

ورځپاڼه د امریکايي عسکرو په حواله وايي، که څوک غواړي افغانستان کې تکیه پیدا کړي، باید قبایلي مشران يې وپېري.

امریکا د یرغل له پیله د پورته درملونو تر څنګ د جنسي بېلارۍ لپاره د لوڅو فلمونو او نشه‌يي موادو په ویش په تېره شرابو هم ګڼ ځوانان خپلې خواته ور مات کړي دي.

avatar
  ګډون وکړئ  
خبرتیا غوښتل د