افغانستان

عبدالله عبدالله؛ نن د شانګهای ناسته کې خبرې کوي

نن ټکی اسیا (جمعه، ۲۰تلې، ۱۳۹۷ل): اجراییه ریاست عبدالله عبدالله پرون پنجشنبه (تلې ۱۹مه) د یو پلاوي په ملتیا د شانګهای د همکارۍ سازمان ناسته کې د ګډون لپاره تاجکستان ته لاړ.

هغه به نن په دې غونډه کې، خبرې وکړي، چې د اجراییه ریاست په حواله نوموړی به په سیمه کې د خوندیتوب، ګډې مبارزې او اقتصادي همکاریو په اړه خبرې ولري.

د اجراییه ریاست د ویاند مرستیال امید میثم وايي، عبدالله عبدالله به د سیمې هېوادونو له «تروریزم» سره د مبارزې په برخه کې مرستې ته را وبولي.

شانګهای سازمان د چین، روسيې، تاجکستان، ازبکستان، قزاقستان او قرغزستان له خوا رامنځته شوی، خو افغانستان، بلاروس، ایران او منګولیا يې یوازې څارونکي دي.

افغانستان د غړیتوب لپاره په ۲۰۱۵م کال کې وړاندیز وکړ، خو هند او پاکستان تېر کال د دې سازمان غړي شول.

د مشرانو جرګې دویم منشي فیصل سمیع وايي، د دې سازمان ډېره ګټه د سازمان دایمي غړو ته رسېږي، په وینا يې د افغانستان وضعیت ښه کېدو کې يې تر اوسه کوم رول نه دی لوبولی.

تاجکستان کې نننۍ غونډه د دې سازمان اوولسمه غونډه ده.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x