نړۍ

رویټرز: امریکا له طالبانو سره د اشغال په پای ته رسولو خبرو ته چمتووالی ښودلی

نن ټکی اسیا(يکشنبه، ۲۲ تله، ۱۳۹۷ ل): رویټرز خبري اژانس د طالبانو د باوري سرچينو له خولې ليکلي، د امریکا ‏ځانګړي استازي زلمي خليلزاد له دوی سره منلې چې د خپلو پوځيانو د ويستلو او اشغال په پای ته رسولو ورسره خبرو ته ‏چمتو دي.‏
رویټرز وايي، چې دا پرمختګ وروسته تر هغه شوی، چې زلمي خلیلزاد په قطر کې د طالبانو د سياسي دفتر له غړو سره ‏مخامخ ناسته وکړه.‏
رویټرز د طالبانو د وياند ذبيح الله مجاهد په حواله ليکلي، چې دواړو خواوو د «اشغال» په پای ته رسولو او د روان ‏بحران په سوله ‌ييز حل خبرې کړي دي. د طالبانو سرچينې دا هم ويلي، چې د امريکايي ډيپلوماټانو پلاوي د خپلو ‏پوځيانو په وېستلو او روان اشغال په پای ته رسولو خبرو ته چمتووالی ښوولی دی.‏
رویټرز دا هم ليکلي، امريکايي پلاوي له طالبانو غوښتي، چې د راتلونکو پارلماني ټاکنو پر مهال اوربند وکړي، په داسې ‏حال کې، چې طالبانو تېره اونۍ د يوې اعلاميې په خپرولو له ټولو نوماندانو او عامو خلکو غوښتي، چې په ټاکنو کې له ‏ګډونه انکار وکړي او ګواښ يې کړی، چې د ټاکنو اهدافو په نښه کولو کې به هڅه وکړي.‏
رویټرز د باوري سرچينو په حواله ليکلي، چې دواړو خواوو په دغه ناسته کې سخت شرطونه وړاندې کړي دي. د طالبانو د ‏سياسي دفتر مشر شېر عباس ستانکزي ويلي، چې د دوی پلاوي د خلیلزاد په مشرۍ له امريکايي ډيپلوماټانو سره د روان ‏بحران په پای ته رسولو مفصلې خبرې کړي دي.‏
رویټرز د طالبانو د يوې سرچينې په حواله ليکلي، چې امريکايي پلاوي له دوی غوښتي، چې له پارلماني ټاکنو وړاندې تر ‏راتلونکو شپږو مياشتو پورې اوربند اعلان کړي.‏
خو طالبانو په خپره کړې اعلاميې کې ټينګار کړی، چې د روان بحران تر ټولو بنسټيز لامل د امريکايي او نورو بهرنيو ‏پوځيانو شتون دی او بايد د بهرني اشغال په پای ته رسېدو په اسلامي اصولو ولاړ افغان شموله نظام لپاره هڅه وشي.‏

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x