ورزش

شاهد افریدي: افغانستان سره د مینې په پار په دغه لیګ کې لوبیږم

نن ټکی اسیا (سه شنبه، ۲۴ تلې، ۱۳۹۷ل): د پاکستان هېواد پښتون نامتو لوبغاړی شاهد افریدي د افغانستان غوره لیګ په اړه نیکې څرګندونې کړي او ویلي یې دي چې دا د افغانستان ځوانو لوبغاړو لپاره تر ټولو ستر چانس دی.

شاهد افریدي چې د پکتیا پینترز لوبډلې سره د محمد شهزاد تر مشرۍ لاندې په افغان غوره لیګ کې لوبیږي، رسنیو سره په خبرو کې ویلي چې د افغانستان کرېکټ بورډ په خپل تاریخ کې تر ټولو ستره لاسته راوړنه ترلاسه کړې او باید ددې ساتنه وکړي.

بوم بوم افریدي وایي چې د افغانستان سره مینه لري، او په دغه لیګ کې ګډون د بل مقصد لپاره نه بلکې د افغانستان سره د مینې او د اړیکو لرلو په پار لوبیږي، تر څو نوي ځوانان زمونږ او نورو مشرانو له تجربو څخه ګټه پورته کړي.

شاهد افریدي چې دوه ورځې وړاندې د ننګرهار لوبډلې پر وړاندې سیالۍ کې د خپلې لوبډلې په ګټه ۲ ویکټې او ۳ په زړه پورې کیچونه ونېول، د افغانستان نوي ځوانانو په هکله وویل چې ښه توپ اچونکي لري، په ځانګړي ډول د سوکه توپ اچونکو برخه کې ښه وړتیا لري.

د افغانستان غوره لیګ سیالیو کې شاهد افریدي د آیکن لوبغاړي په حیث د پکتیا پینترز لوبډلې لخوا واخیستل شو، چې د ښې توپ اچونې ترڅنګ د نویو لوبغاړو سره وخت پر وخت خپلې تجربې شریکوي.

یاده دې وي چې شاهد افریدي په یاد لیګ کې د خپلې لوبډلې په ګټه ۵ سیالۍ ترسره کړي، چې ۴ یې ویکټې ترلاسه کړي، او په ډګر ساتنه کې غوره ثابت شوی، خو په توپوهنه کې تر دې دمه په زیاتو منډو جوړولو نه دی توانېدلی.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close