افغانستان

د سرپل استازی: محمد محقق د کانونو د لوټلو لپاره ځانګړي اربکیان لري

نن ټکی اسیا (پنجشنبه، ۱۰لړم، ۱۳۹۷ل): محمد محقق چې په غور کې هم لسګونه وسله‌وال اربکیان لري، د سرپل استازي يې په دې ولایت کې هم د کانونو پر لوټلو تورنوي.

په ولسي جرګه کې د سرپل د خلکو استازي محمد حسین فهیمي پرون (چهارشنبه، ۹لړم) وویل، د اجراییه ریاست دا مرستیال سرپل کې د ځايي اربکیانو په وسیله د بلخاب د سکرو کان لوټي.

هغه وویل محقق تر دې وړاندې یو بل ټوپک‌وال له ګڼو کسانو سره د بلخاب د لوټمار لپاره ګمارلی و، چې اوس هغه ورته په بله اوښتی او ده يې هم پر وړاندې د جګړې امر کړی دی.

فهیمي زیاته کړه، له دوو اونیو راهیسې د محمد محقق د اربکیانو او له هغه د اوښتي قومندان د ټوپکیانو تر منځ جګړه رونه ده چې ۳۰ تنو ته پکې مرګ‌ژوبله اوښتې ده.

محمد محقق د خپرې کړې اعلاميې له مخې دا څرګندونې بې اساسه بولي او هلته پر کانونو مسلط وسله‌وال د مهدي په نوم د یو تن تر قومنده لاندې، خپل کسان نه بولي.

تر دې وړاندې محمد محقق په غور کې هم د علي‌پور په نوم د اربکي قومندان پلوي وکړه، چې ځانګړو ځواکونو يې د نیولو هڅه وکړه، خو هغه ورسره مقاومت وکړ او لا هم ارتې تڼۍ ګرځي.

ټاګونه

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x
Close
Close