نړۍ

پاکستان :د حکومت او لاریون کوونکو تر منځ خبرو کومه نتيجه ورنکړه

نن ټکی اسیا (جمعه ،۱۱ لړم ،۱۳۹۷ ل) :په پاکستان کې د توهین رسالت په غبرګون کې د لاریون کوونکو مشر خادم حسین رضوي وايي چې له حکومت سره یې خبرې اترې ناکامې شوې.

خادم حسین رضوي چې د (تحریک لبیک یا رسول الله) مذهبي ګوند مشر دی تېره ورځ ناوخته په خپل ټویټر لیکلي چې: له حکومت سره یې خبرې اترې ناکامې شوې او په خپلو پلویانو يې غږ کړی چې سبا ته هم په ټول هیواد کې لاریونونو ته ادامه ورکړي.

بل لور ته د پاکستان د مخابراتو وزیر چوهدري فواد حسین په خپل ټویټر کاږي «هیڅوک دې حکومت ته په کمزوري نظر نه ګوري او د حالاتو د ګډوډولو هڅې دې نه کوي »

دی زیاتوي چې سبا به د پاکستان په څلورو سترو ښارونو اسلام آباد ، لاهور ، ګوجرانواله او راولپنډي کې تلیفوني شبکې د سهار له ۸ بجو څخه تر مازدیګر پورې بندې وي وي.

د حکومت او لاریون کوونکو تر منځ خبرې اترې په داسې حال کې بې پایلې اعلانېږي چې د پاکستان لومړي وزیر عمران خان د نورو لوړپوړو چارواکو په ملتیا چین ته په یو مهم سفر تللی دی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x