نړۍ

سعودي شهزاده خالد بن طلال له نږدې يو کال بند وروسته خوشې شوی

نن ټکی اسیا (دوشنبه،۱۴ لړم ،۱۳۹۷ ل): د شاهي کورنۍ لوړپوړی غړی خالد بن طلال له نږې يوه کال بند وروسته خوشې شوی دی.

شهزاده خالد د سعودي پاچا سلمان بن عبدالعزيز وراره او د مشهور سوداګر وليد بن طلال ورور دی او کورنۍ يې په ټويټر کې داسې انځورونه خپاره کړي، چې هغه له خپلې کورنۍ سره دی او له بنده خوشې شوی دی.

د سعودي ولي عهد محمد بن سلمان په امر تېر کال د شاهي کورنۍ  د لسګونو غړو سربېره دوه سوه سوداګر او وزيران نيول شوي وو، چې له څه مودې بند وروسته د جوړجاړيو او مالي جريمو په مقابل کې خوشې شول، خو ځينې لا هم بنديان دي.

د خالد بن طلال خلاصون په ظاهره د سعودي پر ولي عهد د جمال خاشقجي د قتل د فشارونو لامل ښکاري.

کارپوهان وايي، چې بن سلمان غواړي، خپل حکومت له فشارونو د خلاصولو لپاره د شاهي کورنۍ ملاتړ له ځان سره ولري.

د وليد بن طلال لور ريم بن الوليد له خپلې کورنۍ سره د خپل تره خالد بن طلال انځور خپور کړی او ليکلي يې دي «شکر، چې ته روغ جوړ يې.»

سعودي حکومت د هغه د نيولو او يا هم خلاصون په اړه تر اوسه  څه نه دي ويلي.

خو وال سټريټ ژورنال ليکلي، چې شيخ خالد بن طلال هم د نورو دوو سوو شهزادګانو او چارواکو په څېر د رياض په پنځه ستوريز هوټل کې بندي و او اوس را خوشې شوی دی.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x