افغانستان

عبدالله عبدالله: په اورلګېدنه کې له زیانمن شویو سوداګرو سره مرسته کوو

نن ټکی اسیا (دوشنبه، ۱۴لړم، ۱۳۹۷ل): اجراییه رییس عبدالله عبدالله وايي کابل ښار کې د تېرې جمعې په اور لګېدنه کې به له زیانمن شویو کسانو سره مرسته وکړي.

هغه نن د وزیرانو شورا تر غونډې وړاندې رسنیو ته وویل، د دقیقو زیانونو د معلومولو لپاره يې پلاوی ټاکلی او له هغه وروسته به اقدام کوي.

تېره جمعه د کابل ښار نادر پښتون واټ کې د موبایلونو، کمپیوټرو او برېښنايي وسایلو په مارکېټ کې اور ولګید چې وروسته يې څلور نور مارکیټونه هم په بر کې ونیول.

خیر خواه مارکېټ، اتفاق مارکېټ او څو نور مارکېټونه نږدې بشپړ سوځېدلي او د دوکاندارنو په وینا میلیاردونه افغانۍ زیان ور اوښتی دی.

اجراییه رییس پرون هم د پېښې ځای ته ورغی او زیانمن شویو کسانو ته يې ډاډ ورکړ.

د کابل سرپرست ښاروال شعیب رحیم وايي، دوی د څېړلو په موخه دوې کمېټې ټاکلې چې یوه به د اورلګېدو څرنګوالی او عوامل څېړي او بله به اوښتي زیانونه په ډاګه کوي.

د مارکېټونو دوکانداران وايي چې لومړی ځل په خیر خواه مارکېټ کې اور ولګید خو د اطفايي د ځنډ له امله چې په څو مترۍ کې يې ځای دی، اور څلورو نورو مارکېټونو ته وغځيد او دروند مالي زیان يې واړاوه.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x