افغانستان

د ناټو سرمنشي کابل ته په ناڅاپي سفر راغلى

نن ټکی اسیا (سه شنبه، ۱۵ لړم ۱۳۹۷): د ناټو پوځي ائتلاف سرمنشي جينز سټولټنبرګ په ناڅاپي ډول کابل ته په سفر راغلی دی.

له ارګ څخه په یوه خپره شوي خبرپاڼه کې ویل شوي، چې د ناټو عمومي سرمنشي به نن ترغرمي وړاندي د ګډ حکومت له مشر اشرف غني سره وګوري، او بيا به دواړه يوې ګډې خبري غونډې ته وينا وکړي.

په کابل کې د ناټو د ملکي استازي د دفتر يوې سرچينې هم پژواک خبري آژانس ته د سرمنشي راتګ تاييد کړی او ويلي یي دي چې نوموړی په دوه ورځني سفر کابل ته رارسېدلى دى.

دا په داسي حال کې ده چې تېره ورځ د سویلي آسیا او افغانستان لپاره د امریکا د بهرنیو چارو ځانګړي استازي الیس ویلز هم کابل ته په رسمي سفر راغلي او د ګډ حکومت له موجوده او ځینو مستعفي چارواکو سره یې لیدني کتني وکړي.

که څه هم د دغو لوړپوړو غربي چارواکو د سفرونو په اړه لا جزیات نه دي په ډاګه شوي خو سرچینې وایي چې څو مهمې مسئلې لکه: راتلونکي ولسمشریزي ټاکني، له طالبانو سره د سولي خبري اتري، د مسکو ناسته او ضمناً پر ایران د امریکا نوي بندیزونه، کیدای شي د دغو پټو لیدنو کتنو اجنډا وي.

ورته لیکنې

ګډون وکړئ
خبرتیا غوښتل د
guest
0 Comments
Inline Feedbacks
ټولې تبصرې کتل
Back to top button
0
Would love your thoughts, please comment.x
()
x