fbpx

تخار او کندز کې ۲۳ امنيتي سرتيرو ته مرګ ژوبله اوښتې

نن ټکی اسیا (پنجشنبه، ۱۷لړم، ۱۳۹۷ل): د تخار ولايت په خواجه غار او کندز په دشت ارچي ولسواليو کې د طالبانو په بريدونو کې ۲۳ تنو دولتي سرتيرو ته مرګ ژوبله اوښتې ده.

د تخار ولايت يو تن چارواکي د نوم نه ښودلو په شرط افغان اسلام اژانس ته ویلي دي چې ددې ولایت په خواجه غار ولسوالۍ او همدا راز د کندوز په دشت ارچي ولسواليو ترمنځ د (دروازه کن) په سيمه کې طالبانو په دولتي عسکرو بريدونه کړي دي چې له امله يې ۱۱ سرتيري وژل شوی او ۱۲ نور ټپيان دي.

سرچينې په دې جګړه کې د طالبانو د تلفاتو يادونه هم وکړه خو د کره شميرو په اړه يې معلومات نه درلود او زياته يې کړه چې جګړې تر کم وخت دوام وکړ خو امنيتي سرتيرو ته يې تلفات زيات وو.

د کندز ولايتي چارواکو هم جګړه تائيد کړې ده خو د تلفاتو په اړه يې رسنيو ته څه نه دي ويلي.

طالبانو تر اوسه د تخار د برید په اړه څه نه دي ویلي خو په يو بل خبر کې يې ویلي دي چې تيره شپه يې د کندز ولايت په دشت ارچي ولسوالۍ هزار باغ سيمه کې يې یوه نظامي قرارګاه نيولې او ۲۲ عسکر يې وژلي دي.

avatar
  ګډون وکړئ  
خبرتیا غوښتل د