افغانستان

د میدان وردګ والي له خپلې دندې استعفا وکړه

نن ټکی اسیا (جمعه، ۱۸ لړم ۱۳۹۷): محمدعارف شاجهان د میدان وردګ والي تېره ورځ له خپلي دندې لاس په سر شو.

رسنیو ته رسیدلی خبر وایی چې نوموړي خپله استعفا د مستقلو ارګانونو ادارې ته وړاندي کړي، خو په دې اړه څه ویل شوي نه دي چې استعفا یې منل شوي کنه.

تراوسه دا هم څرګنده نه ده چې د محمدعارف شاه جهان د کار پریښودلو لامل څه دی.

محمد عارف شاه جهان، له یوه کال را هیسي د میدان وردګ والي ټاکل شوی، تر دې وړاندي نوموړی د فراه والي وو چې له هغه ولایته یې هم تېرکال استعفا کړي وه.

فراه او میدان وردګ دواړه یو له هغو ولایتونو څخه دي چې پر ۸۰٪ سلنه خاوره یې طالبان واکمن دي او هره ورځ له دغو سیمو د جنګ جګړو، حکومتي او ملکي تلفاتو زیات خبرونه راځي.

د میدان وردګ والي په داسي حال کې استعفا کړي چې دوې ورځي وړاندي اکرم خپلواک د سولي شورا د دارالانشاء رئیس هم خپله دنده پري ایښي.

د وروستیو دریو میاشتو په جریان کې د ملي یووالي حکومت ډېری لوړپوړي او ټیټ رتبه چارواکي له خپلو دندو لاس پرسر شوي او دا لړۍ تراوسه ادامه لري. خو د زیاترو د استعفاوو لاملونه څرګند شوي نه دي.

اکلیل حکیمي د مالیې وزیر، منصورنادري د ښارجوړوني وزیر، حنیف اتمر د ملي امنیت مشاور، حکمت خلیل کرزی د بهرنیو چارو سیاسي معین، عبدالحکیم نورزی د سولي شورا معاون او یو شمېر نورو خپلي دندي پري ایښي.

شنونکي یې علت د دې ترڅنګ چې ځیني چارواکي د راتلونکي ولسمشریزو ټاکنو ته کمپاین کوي، دا هم ښيی چې د ملي یووالي حکومت نن سبا له پوځي، سیاسي او ولسي اړخه تر تهدید لاندي او د پروپاشي په حال کې دی، ځکه یې چارواکو استعفاوو ته مخه کړي.

ورته لیکنې

ګډون وکړئ
خبرتیا غوښتل د
guest
1 Comment
زړو
نویو ډیرو خوښو شویو
Inline Feedbacks
ټولې تبصرې کتل
الحاج استاذ بیانزی

د دی ځواب چه د غلامی اداری لوړ پوړی او یا منځپوړی غلام چارواکی ولی استعفی کوی ، ځواب څو کاله دمخه د هغه وخت داخله وزیر کمونست علومی له خولی واوری . فکر کوم چه څو کاله دمخه د ولسوالیو د سقوط یا نیولو بهیر شروع شو، ولسی چرګی ( طویلی ) د معمول په شان امنیتی چارواکی د امنیت د خرابوالی له امله ( چه ډیر ډاریدلی وو ) راوغوشتل چه د حالاتو کنترول ولی نه شی کولای او که دا حالات لاپسی خراب نو ډیر ژر به د ارګ او پارلمان دروازی هم وټنګوی ، داخله وزیر… نور لوستل »

Back to top button
1
0
Would love your thoughts, please comment.x
()
x